Kliçko 26 illik həyat yoldaşından boşanır
Kiyev şəhərinin meri Vitali Kliçko 26 illik həyat yoldaşı Natalya ilə boşanmaq qərarına gəlib.
bakunews.az qafqazinfo-ya istinadən xəbər verir ki, bu barədə o, "Babel"ə müsahibəsində deyib.
"Sirr deyil ki, biz uzun illərdir təkcə ayrı şəhərlərdə deyil, həm də ayrı ölkələrdə yaşayırıq. Uzun illər - fərqli maraqlar, fərqli həyat. Və biz bunu rəsmiləşdirmək qərarına gəldik", - Kliçko deyib.
Onun sözlərinə görə, boşanma hər ikisinin istəyi ilə olub.
"Bizim yaxşı münasibətlərimiz qalıb, biz bir-birimizə hörmət edirik, uşaqlar artıq böyükdür və həyat davam edir", - mer əlavə edib.
Qeyd edək ki, Kliçko 1996-cı ildən evlidir. Onun Natalya ilə nikahında üç övladı var: Yeqor-Deniel (2000), Yelizaveta-Viktoriya (2002) və Maksim-Aleksandr (2005).
bakunews.az
Əlaqə whatsapp:+994 70 402 02 85
BakuNews.az
