Avqustun 29-da Ukrayna hərbçiləri Xerson uğrunda döyüşlərə başlayıb. Xerson vilayətinin Suxoy Stavok kəndi də işğaldan azad edilib. Nəticədə Donbass separatçıları Ukraynanın Xerson vilayətindəki mövqelərindən geri çəkilməli olublar. Separatçılara dəstək verın rus paraşütçüləri döyüş meydanından qaçıb.

Mövzu ilə bağlı bakunews.az-ya qaynarinfo-ya istinadən danışan hərbi ekspert Ədalət Verdiyev Xersonla bağlı məsələdə hələlik o qədər də nikbin deyil:”Ukrayna ordusunun Xersonu azad edəcəyinə hələlik ciddi əsaslar olduğunu görə bilmirik.

Müəyyən istiqamətlərdə kiçik miqyaslı əks-hücumlar isə mümkündür. Bunlar əvvəllər də baş verib. Amma Xerson vilayət mərkəzinin azad edilməsi üçün Ukrayna kifayət qədər silah və heyətə malik deyil. Yalnız söz verilən silah növləri Ukraynaya çatdırıldığı halda, həmin istiqamətdə əks-hücum əməliyyatının daha geniş miqyasda keçirilə biləcəyini istisna etmək olmaz. Əks-hücumun həyata keçirilməsi üçün ilk növbədə qoşunların havadan müdafiəsi təmin edilməlidir. Belə bir silahlar isə hələlik Ukraynaya az miqdarda çatdırılıb. Bu silah növləri də qoşunların ancaq kiçik faizini qorumaq etmək imkanına malikdir. Havadan mühafizə olunmayan qoşunun irəliləməsi isə müəyyən bir yerə qədərdir. Sonradan tez və ya gec aviasiya həmin qoşunları havadan ciddi itkilərə məruz qoyur. Ona görə ə belə bir silah təchizatının olmadığı müddətdə Ukraynanın geniş miqyaslı əks-hücumlarını müşahidə etməyəcəyik”.

bakunews.az