İraqın nüfuzlu şiə din xadimi Sədr hərəkatının lideri Müqtəda Sədr siyasətdən həmişəlik gedəcəyini açıqlayıb.

bakunews.az qaynarinfo-ya istinadən bu barədə Sədrin şəxsi Twitter səhifəsinə istinadən xəbər verir.

Müqtəda Sədr öz tvitində öz hərəkatı ilə bağlı ölkədəki əksər qurumların bağlandığını da açıqlayıb.

Bu xəbər dərhal beynəlxalq və ərəb mediasında geniş əks-səda doğurub.

O, həmçinin şiə siyasi liderlərini onun islahatlarla bağlı çağırışlarına əhəmiyyət vermədiklərinə görə tənqid edib.

Bir neçə ay əvvəl Sədrin İraq parlamentindəki nümayəndələri hökuməti formalaşdıra bilmədikləri üçün istefa vermişdilər.

Onunla İrana yaxın şiə rəqibləri arasındakı siyasi narazılıq İraqın hökumətsiz ən uzun dövrünü yaşamasına səbəb olub.

Bir neçə həftə əvvəl Sədr tərəfdarları bir neçə gün İraq parlamentini zəbt edib və hökumət binaları yaxınlığında nümayişlər keçiriblər.

Bu etirazlar yeni prezidentin və baş nazirin seçilməsi prosesini praktiki olaraq dayandırıb.

Vurğulanır ki, Sədrin bu açıqlaması tərəfdarlarının etirazlarını gücləndirə və İraqda qeyri-sabitliyin yeni mərhələsini alovlandıra biləcəyi ilə bağlı narahatlıq doğurub.

Əl-Ərəbiyyə müxbirinin məlumatına görə, Sədr hərəkatının tərəfdarları Müqtəda Sədrin siyatədən getməsi ilə bağlı elanından sonra Bağdadın Yaşıl Bölgəsində Respublika Sarayının qapıları önünə toplaşıblar.

bakunews.az