ABŞ prezidenti Co Bayden amerikalıları ölkə iqtisadiyyatının acınacaqlı vəziyyətindən yayındırmaq üçün Respublikaçılar Partiyasına hücum edir.


bakunews.az fox news telekanalına istinadən xəbər verir ki, bunu Respublikaçıların Milli Komitəsinin sədri Ronna Madeniel deyib.

Onun sözlərinə görə, C.Baydenin Donald Trampın tərəfdarlarına qarşı hücumları təhlükəlidir və dövlət daxilində nifaq salır.

"C.Bayden ali bölücüdür, o, Demokratik Partiyanın hazırkı vəziyyətini təcəssüm etdirir: bölücü, ölkənin yarısına qarşı düşmən partiya", - deyə R.Madeniel bildirib.

Milli Komitənin sədri qeyd edib ki, С.Baydenin açıqlamaları artıq respublikaçı siyasətçilərə hücumlara və hətta Ali Məhkəmənin hakimlərindən birinə qarşı sui-qəsd cəhdinə gətirib çıxarıb.

Xatırladaq ki, daha əvvəl Cozef Bayden keçmiş respublikaçı prezident Donald Tramp və onun tərəfdarlarını Amerika siyasi sisteminin əsaslarını təhdid edən "ekstremizmin təcəssümü" adlandırıb.

bakunews.az