Mingəçevir şəhərində yaşayan,əslən Şəki rayonunun Cəfərabad kəndindən olan Səmədov Vəliyyədin Vahid oğlunun redaksiyamıza müraciəti daxil olub O, müraciətində bildirir ki, 67 yaşlı doğma qardaşı Səmədov Nəriman Vahid oğlu 24 sot həyətyanı sahədə yerləşən 3 otaqlı ata mülkünü ələ keçirib və heç kimi oraya buraxmır. Baxmayaraq ki, həmin mülkdə ailənin bütün üzvlərinin pay haqqı olub. Səmədov Vəliyyədinin iddiasına görə qardaşı Səmədov Nəriman ata mülkünü qanunsuz yollara ələ keçirib.
Çünki iş məhkəmə predmetinə çevrilən zaman Nəriman saxta yollarla iki sənəd alıb. Belə ki, kənd icra nümayəndəsi Sübahanın verdiyi arayışda ailə tərkibi düzgün göstərilməyib. Baxmayaraq ki, bizim(Səmədov Vələyəddin) ailə, yəni mən,həyat yoldaşım və uşaqlarım kənddə-ata evində qeydiyyatda olmuşuq. Ancaq arayışda bu yazılımayıb. Hələ bu azmış kimi Şəki şəhər notarius kontorunda işləyən İsrayıl adlı şəxsin köməyi ilə bağışlanma sənədi əldə ediblər. Guya anam Səmədova Səlminaz Gülalı qızı mülkü Nərimanın oğluna bağışlayıb. Şikayətçi onun da bildirib ki, ata mükünün ələ keçirilməsi əməliyyatın tərkib hissəsi olaraq 1988-ci ildə onu və ailə üzvlərini özlərinin xəbəri olmadan qeydiyyatdan da çıxarıblar. Ata mülkünə sahiblənən və geniş maliyyə imkanlarına malik Səmədov Nəriman neçə illərdir ki,at oynadır.Ağsaqqla vaxtında min cür yalanlar uydurmaqla məşğuldur.
Səmədov Vəliyyədin onu da xatırladır ki, mülkü ələ keçirən qardaşı Səmədov Nərimannın necə adam olduğunu bir fakt təsdiq edir.O, 2005-2012-ci illərdə Şəki Pedaqoji Kollecində şöbə müdiri işləyib. 2012-ci ildə isə rüşvət alma faktlarına görə cinayət məsuliyyətinə cəlb olunaraq həbs edilib və 4 il həbsdə olub.Çox maraqlıdır ki, Nəriman Səmədov həbsdən çıxandan sonra ötən ilə qədər sözügedən kollecdə işləyib.
29 iyun 2012-ci ildə Baş Prokurorluğun yaydığı rəsmi məlumatı təqdim edirik:
Şəki Pedaqoji Kollecinin şöbə müdiri Səmədov Nəriman Vahid oğlu 2012-ci ilin aprelində kollecin məzunu Qəbələ rayon sakini Vüsalə Aslanlının həmin təhsil müəssisəsini bitirməsinə dair diplomun verilməsinə görə qayınatası M. Həmidovdan 500 manat pul tələb edib. Həyata keçirilmiş əməliyyat tədbirləri nəticəsində N. Səmədov iyunun 28-də xidməti otağında tələb etdiyi pulun müqabilində 400 manatı vətəndaşdan rüşvət kimi alarkən cinayət başında yaxalanıb. Həmin pullar hal şahidlərinin iştirakı ilə götürülərək rəsmiləşdirilib.
N. Səmədovun xidməti otağına və yaşadığı evə baxış aparılan zaman vətəndaşın adına olan əsas təhsil haqqında şəhadətnamənin əsli, doğum haqqında şəhadətnamənin kserosurəti, üzərində vətəndaşların adlarının yazıldığı 2 ədəd zərfin içindən 900 manat məbləğində pul aşkar edilərək götürülüb.
Fakta görə N. Səmədov barəsində Cinayət Məcəlləsinin 311.1-ci (rüşvət alma) maddəsi ilə cinayət işi başlanıb. N. Səmədov təqsirləndirilən şəxs qismində cəlb edilərək ona həmin maddə ilə ittiham elan olunmaqla barəsində məhkəmənin qərarı ilə həbs qətimkan tədbiri seçilib.
Görün bu adam hansı yollara əl atır ki, həbsdən çıxıdıqdan sonra hansısa yollarla özünə “təmizlik arayışı” da almağı bacarıb.
Şikayətçi Səmədov Vəliyyəddin onu da bildirir ki, qardaşı 2022-ci ilin dekabr ayında günahını etiraf edərək, etdiyi qanunsuz və mənəviyyatsız addımın əvəzininin bir hissəsini, yəni bizə vurduğu(əslində isə fırlatdığı) ziyanın bir hissəsini ödəyib. 2000 manat isə borclu qalıb. Sonra yalvar-yaxar edib ki, bəs mənə 2023-cü ilin iyul ayına kimi vaxt ver,yerdə qalan məbləği də ödəyəcəm. Ancaq həmin götürdüyü öhdəlikdən 4 ay keçib. Ağsaqqal “müəllim” məni fırladır, yalanlar uydurur. Bir sözlə, bu adam mənə “atıb”. Artıq mənim ona bu illər ərzində etdiyim bütün güzəştlərin limiti bitib. Nəriman Səmədov məni məcbur edir ki, məni dolamağının cavabında onun və oğlunun iyrənc əməllərini açıb tökəm ortalığa. Çünki onun kapitan rütbəli oğlunun harada və necə işləməsi də çoxlu suallar doğurur. Bunun da araşadılması üçün həm mətbuata, həm də aidiyyəti qurumlara müraciət etməli olacağam. İndi seçim adının müəllim qoyub, amma o ada ləkə gətirən Nərimanındı.Özü bilsin,Tanrısı bilsin. Əmin olun ki, onun əməlləri onun ayaqlarına da, boğazına da çidar olacaq.Yəqin ki, həbsxanadan nazirliyiə gedən yolun ciddi şəkildə araşdırılmasına ehtiyac olacaq.
Qeyd edək ki, yazıda səsləndirilən fikir və iddialar şikayətçi Səmədov Vəliyyəddin Vahid oğluna məxsusdur və redkasiyanın mövqeyini əks etdirmir.
Əldə etdiyimiz məlumatlara görə barəsində iddialar səsləndirilən Nəriman Səmədov qardaşının iddiaları ilə razılaşmır və deyir ki, qardaşı onun öz evini satmasına mane olur. Bütün hallarda Nəriman Səmədovun mövqeyini dərc etməyə hazırıq.
(Dunyaninsesi.Az)