Azərbaycanın qaldırdığı etirazlarla bağlı ictimai dinləmələr başa çatıb
Beynəlxalq Ədalət Məhkəməsində Azərbaycanın qaldırdığı ilkin etirazlar əsasında aprelin 15-də başlayan dinləmələr başa çatıb.
Bu barədə məlumat məhkəmənin saytında yerləşdirilib.
Məlumata görə, irqi ayrı-seçkiliyin bütün formalarının ləğv edilməsi haqqında Beynəlxalq Konvensiyanın (Ermənistan Azərbaycana qarşı) tətbiqi ilə bağlı iş üzrə Azərbaycanın Beynəlxalq Ədalət Məhkəməsində qaldırdığı ilkin etirazlara dair ictimai dinləmələr bu gün başa çatıb.
Dinləmələrdə Azərbaycan nümayəndə heyətinə xarici işlər nazirinin müavini Elnur Məmmədov, Ermənistan nümayəndə heyətinə isə Ermənistanın beynəlxalq hüquqi məsələlər üzrə nümayəndəsi Yegişe Kirakosyan rəhbərlik ediblər.
Məhkəmənin hazırda öz müşavirəsinə başlayacağı qeyd olunub.
Şikayət və təkliflər üçün qaynar xətt:
Əlaqə whatsapp:+994 70 402 02 85
BakuNews.az
Əlaqə whatsapp:+994 70 402 02 85
BakuNews.az
