"Dövlət Şəhərsalma və Arxitektura Komitəsinin tabeliyindəki Ərazi Tikinti-Planlaşdırma Mərkəzinin İdarə Heyətinin sədri Ramin Abdullayev son günlərin qabarıq fiqurlarından biridir. Adam qısa müddət ərzindəciddi maddi resurslar əldə etdiyindən artıq yeni dönəmin OLİQARX-MƏMURU HESAB OLUNA BİLƏR..."
Bu barədə -redaksiyamıza daxil olan məlumatda deyilir.
Məqalə müəllifi daha sonra bildirir: "Ramin Abdullayev eynən özünü köhnə komandanın peşəkar korrupsionerləri kimi aparır. Gərək ünvanları susdurur, gərəkən dairələrin haqqını ödəyir və beləcə YOLA DAVAM...
Halbuki bu prosesin bəlasını uzun müddət çəkə bilərik. Çünki Ramin Abdullkayevin pul qazanma ehtirası nəhayətdə dövlətə vurulan zərbə ilə nəticələnir".
Xatırladaq ki, keçən günlərdə Dövlət Şəhərsalma və Arxitektura Komitəsinin tabeliyindəki Ərazi Tikinti-Planlaşdırma Mərkəzində xüsusi əməliyyat keçirilə biləcəyi haqda informasiya vermişdik. Bu barədə Dia-az.İnfo-nu məlumatlandıran hüquq mühafizə orqanlarındakı mənbə iddia edirdi ki, söhbət böyük miqdarda korrupsiya və rüşvət faktlarından gedir.
Qeyd edək ki, Ərazi Tikinti-Planlaşdırma Mərkəzinin fəaliyyət istiqamətləri şəhərsalma, ərazi planlaşdırılması və memarlıq sahələrində mövcud mexanizmləri təkmilləşdirməklə bu sahələri inkişaf etdirmək, göstərilən xidmətlərin keyfiyyətinin artırmaq, həmin sahələr üzrə mövcud vəziyyətin təhlilini həyata keçirməkdən ibarətdir.
28.12.2021-ci il tarixindən Mərkəzinin İdarə Heyətinin sədri vəzifəsinə Ramin Abdullayev təyin olunub. Buna qədər o 12.04.2019-cu il tarixdən Azərbaycan Respublikası Dövlət Şəhərsalma və Arxitektura Komitəsinin sədrinin müvafiq əmrinə əsasən Ərazi Tikinti-Planlaşdırma Mərkəzinin İdarə Heyətinin üzvü vəzifəsinə təyin olunmuş, 05.06.2020-ci il tarixdən Mərkəzin İdarə Heyətinin sədri vəzifəsinin icrası həvalə edilmişdir.
Elektron medianın yaydığı məlumatlara görə Ərazi Tikinti-Planlaşdırma Mərkəzi İdarə Heyətinin sədri Ramin Abdullayevin adı da son vaxtlar bir sıra qanunazidd əməllərdə hallanmaqdadır. Onun öz vəzifəsindən sui-istifadə etməsi, şəxsi maraqları naminə dövlət və ictimai maraqları qurban verməsi ilə bağlı ölkə mediasında kifayət qədər geniş məlumatlar mövcuddur.
Son olaraq isə Ramin Abdullayevin adı müəmmalı alış-verişdə hallandı. Aydın oldu ki, Ərazi Tikinti-Planlaşdırma Mərkəzi “Mitsubishi Pajero Sport” markalı avtomobili satın almaq istəyir və olduqca baha qiymətə olan bu avtomobil də çox güman ki, sədr Ramin Abdullayev üçün alınır. Amma burada maraqlı bir nüans var. Adətən dövlət məmurları sedan tipli lüks avtomobillərə üstünlük verirlər. Görsənən odur ki, Ramin Abdullayev “Mitsubishi Pajero Sport”u Bakı şəhərinin düz yolları üçün deyil, dağlarda səyahət etməyə, ov ovlamağa, quş quşlamağa alır.
Hər halda özünə belə bir şəraiti qurmağa müvəffəq olmuş Ramin Abdullayevin əsas gəlir ünvanının isə Azərbaycanın DÖVLƏT BÜDCƏSİ və vətəndaşlardan alınan "şirinliklər" olduğu bir faktdır... BU FAKT İSƏ... araşdırmaya götürlərsə, Ramin Abdullayev cənablarını başı ağrıya bilər...
Dia-az.İnfo-ya daxil olan son məlumatda qeyd olunur ki, məhz "yuxarıların" şirinlik payını verdiyindən Ramin Abdullayev özünü təhlükəsiz hiss edir: "Amma vəziyyət belə çox davam edə bilməz. O xeyli müddətdir ki, "radarlara" düşüb...".(Dia-az.İnfo)
DAVAMI OLACAQ...