Bakı – Özünü evlənəcəyi şəxs kimi təqdim edən Rəşvin Məmmədzadə tərəfindən aldadıldığını iddia edən Aygün Əsgərova hüquq-mühafizə orqanlarına və məhkəməyə müraciət edib. Zərərçəkmişin sözlərinə görə, Rəşvin Məmmədzadə anası Dünyaxanım Məmmədova və bacısı Bikə Məmmədzadə ilə birgə cinayətkar dəstə kimi fəaliyyət göstərərək ona 200 min manatlıq maddi zərər vurub.

Əsgərova bildirir ki, kəbin adı ilə inandırıldıqdan sonra evini və mülkünü satmağa razı salınıb, daha sonra isə tamamilə ortada qoyulub. Onun sözlərinə görə, müstəntiq Suphan Zeynalov istintaq zamanı obyektivlikdən uzaqlaşıb və Rəşvin Məmmədzadənin anası ilə bacısını məsuliyyətdən kənarda saxlamaq üçün onlara şahid statusu verib.

Bakunews.az Zərərçəkmiş iddia edir ki, istintaq dövründə evini alan “Anar” adlı şəxs ifadə üçün çağırılmayıb və işin digər əsas fiqurları müvəqqəti saxlanılsa da, tezliklə azadlığa buraxılıblar. Əsgərova bu vəziyyəti müstəntiqin şəxsi maraqlarının istintaqın obyektivliyindən üstün tutulması kimi qiymətləndirir.

Məhkəmə prosesi zamanı isə Əsgərova tərəfindən verilmiş 20 vəsatətin heç biri təmin edilməyib. "Məhkəmə hakimi Eldar İsmayılov işi birtərəfli, təqsirləndirilən şəxsin xeyrinə həll edir", – deyə Aygün Əsgərova bildirir. Onun sözlərinə görə, təqdim olunan sübutlara və şikayətlərə baxılmaması, cinayətkarların müdafiə olunması təəssüratı yaradır.

Əsgərova iddia edir ki, Məmmədzadə evə əvvəlcədən gizli kamera yerləşdirərək intim görüntüləri qeydə alıb və bu görüntülərlə onu şantaj etməyə çalışıb. Lakin o, təhdidlərə baxmayaraq, hüquqlarını qorumaq üçün şikayətini geri götürməyib.

Bəzi mənbələr Rəşvin Məmmədzadənin anası və bacısının daha əvvəl də dələduzluq və qanunsuz fəaliyyətlərdə adlarının hallandığını bildirir. Dünyaxanım Məmmədovanın 2017-ci ildə Türkiyədən insan alveri əməliyyatları zamanı deportasiya edildiyi, Bikə Məmmədzadənin isə Türkiyyədə evliliyə girir daha sonra toydan yığılan qızıları pulu götürərək Bakıya qaçdığı verilən məlumatlarda yer alır. Hətta Rəşvinin Sumqayıtda torpaq alqı-satqısı ilə bağlı bir vətəndaşı aldatdığı bildirilir.

Ətraflı araşdırmalar zamanı ailənin yaşadığı ərazidə qonşuların belə bu şəxslərdən ehtiyat etdiyi üzə çıxıb. Zərərçəkmiş isə bu şəxslərin himayə altında fəaliyyət göstərdiklərini və hüquqi sistemin onları qoruduğunu iddia edir.

Əsgərova dövlət ittihamçısı Eldar Həmzənin də cinayət işi üzrə yalnız formal mövqe sərgilədiyini və zərərçəkmişin deyil, təqsirləndirilən şəxslərin tərəfini saxladığını deyir. Məhkəmədə Suphan Zeynalovun protokolları onun əvəzinə imzaladığına dair iddiaların da araşdırılmadığını bildirir.

Hazırda Bakı Ağır cinayətlər Məhkəməsində olan Rəşvin Məmmədzadənin şikayətçilərinin yalnız Aygün Əsgərova olmadığıda məlum olub. Beləki Zərərçəkmişlər:

1. Həsənov Nicat Bəxtiyar oğlu,
2. İbrahimova Ramilə Güloğlan qızı,
3. Nuriyeva Nİsə Məzahir qızı,
4. Aygün Əsgərova