Yuxarı Qarabağ kanalında qalmaqal: Texnika qeyri-qanuni işdə yandırıldı
Azərbaycan Dövlət Su Ehtiyatları Agentliyinin balansında olan Yuxarı Qarabağ Kanalının istismarı İdarəsində qalmaqal yaşanıb. Belə ki, idarənin rəisi Mikayılov Ariz Akif oğlunun göstərişi ilə dövlət balansında olan texnikanın qeyri-qanuni işlərə - xalq arasında "xaltura" kimi tanınan kommersiya xarakterli fəaliyyətlərə cəlb edildiyi iddia olunur.
Etibarlı mənbələrdən Bakunews.az-a verilən məlumata görə, məhz bu qanunsuz fəaliyyət zamanı idarəyə məxsus texnika texniki nasazlıq və təhlükəsizlik qaydalarına riayət edilmədiyi üçün yanaraq istifadəyə yararsız hala düşüb. Hadisə zamanı xəsarət alan olmasa da, dövlət əmlakına ciddi zərər dəyib.
Məsələ ilə bağlı hüquqi baxışda qeyd edilməlidir ki, Dövlət əmlakının qorunması haqqında qanunvericiliyə əsasən, dövlət balansında olan avadanlıqlar yalnız qanunla nəzərdə tutulmuş məqsədlər üçün istifadə edilə bilər. Dövlət vəsaitlərinin və əmlakının sui-istifadəsi halları inzibati və hətta cinayət məsuliyyəti yarada bilər. Mülki Məcəlləyə və "Dövlət əmlakının istifadəsi haqqında" qanunvericiliyə əsasən, belə hallarda məsul şəxslər dövlətə vurulmuş zərəri tam şəkildə ödəməyə borcludur.
Hadisə ilə bağlı hüquq-mühafizə orqanlarının araşdırmaya başladığı bildirilir. Vətəndaş cəmiyyəti nümayəndələri və müstəqil ekspertlər dövlət əmlakının bu cür özbaşına istifadəsinin qarşısının alınması üçün daha ciddi nəzarət mexanizmlərinin tətbiqini tələb edirlər.
Mövzu ilə bağlı qarşı tərəfin – Yuxarı Qarabağ Kanalının istismarı İdarəsinin və Dövlət Su Ehtiyatları Agentliyinin rəsmi mövqeyini dərc etməyə hazır olduğumuzu bildiririk.
ELNURƏ Fərhadqızı
Şikayət və təkliflər üçün qaynar xətt:
Əlaqə whatsapp:+994 70 402 02 85
BakuNews.az
Əlaqə whatsapp:+994 70 402 02 85
BakuNews.az
