Oğuzda əkin sahələrində başlayan yanğın söndürülüb.


bakunews.az apa-ya istinaden xəbər verir ki, bu barəd Fövqəladə Hallar Nazirliyi məlumat yayıb.

Bildirilib ki, rayonun Calut kəndi yaxınlığında meşəətrafı ərazidə 3 hektar sahədə kol-kos və quru ot yanıb.

Meşə zolağı yanğından mühafizə olunub.

Yanğın yanğından mühafizə bölmələri tərəfindən söndürülüb.

***

20.08.2022

Saat 19:37

Oğuz rayonunun Calut kəndi ərazisindəki əkin sahələrində yanğın baş verib.

bakunews.az apa-ya istinaden xəbər verir ki, bu barədə Ekologiya və Təbii Sərvətlər Nazirliyinin məlumatında deyilir. Nazirliyin regional idarəsinin rəisi Akif Məmmədov bildirib ki, hazırda ETSN-in yerli qurumları, FHN-in Dövlət Yanğından Mühafizə Xidmətinin əməkdaşları tərəfindən yanğının söndürülməsi və yaxınlıqda yerləşən meşə ərazisinə keçməsinin qarşısının alınması istiqamətində tədbirlər görülür: “Son günlər havanın isti və quraq keçməsi təbiət ərazilərində yanğının başvermə ehtimalını artırır. Bunu nəzərə alaraq, hər kəsdən, o cümlədən meşə ərazilərinə yaxın kəndlərin əhalisindən, təbiət qoynunda istirahət edən turistlərdən xahiş edirik ki, yanğın təhlükəsizliyi qaydalarına ciddi əməl etsinlər, odla ehtiyatlı davransınlar, söndürülməmiş siqaret kötüklərini ətrafa atmasınlar”.

bakunews.az