Şahmat Olimpiadası: Azərbaycanın kişi yığması Hindistanla heç-heçə edib
Hindistanın Çennay şəhərində təşkil olunan Ümumdünya Şahmat Olimpiadasında Azərbaycanın kişilərdən ibarət milli komandası növbəti görüşünü keçirib.
bakunews.az-nun report-a istinadən məlumatına görə, IX turda Hindistanın 2-ci yığması ilə qarşılaşan kollektiv sülhə razılaşıb.
Şəhriyar Məmmədyarov və Rauf Məmmədov öz oyunlarını heç-heçə ilə başa vurub. Nicat Abbasov rəqibinə qalib gəlsə də, Vasif Durarbəylinin məğlubiyyəti komandanın qələbə qazanmasına mane olub.
Ümumdünya Şahmat Olimpiadası
IX tur
Kişilər
Hindistan-2 - Azərbaycan - 2:2
Qukeş Dommaracu - Şəhriyar Məmmədyarov - 0,5:0,5
Nixal Sarin - Rauf Məmmədov - 0,5:0,5
Rameşbabu Praqqnanandha - Vasif Durarbəyli - 1:0
Raunak Sadvani - Nicat Abbasov - 0:1
Qeyd edək ki, Ümumdünya Şahmat Olimpiadası avqustun 10-da başa çatacaq.
bakunews.az
Əlaqə whatsapp:+994 70 402 02 85
BakuNews.az
