Qrant Müsabiqəsinin qalib layihələrindən olan “İngilis dilini bilək, dünyaya səslənək!” layihəsinin “Bağlanış tədbiri” keçirilmişdir.
Saatlı rayon Heydər Əliyev Mərkəzində keçirilmiş tədbirdə layihədə iştirak edən gənclər, rayonun aktiv müəllimləri və GİKM-nin əməkdaşları olmaqla, ümumilikdə 30 nəfər iştirak etmişdir.
Tədbirdə iştirakçılara sertifikatlar təqdim edilmiş, həmçinin, layihə müddətində görülən işlər və layihənin davamlılığı üçün nəzərdə tutulan planlar haqqında ictimaiyyətə məlumat verilmiş,
Qeyd edək ki, layihə rəhbəri Saatlı rayon Azad Bayramov adına Məmmədabad kənd tam orta məktəbin ibtidai sinif müəllimi, Azərbaycan Gənc Müəllimlər Assosiasiyasının Saatlı rayon üzrə koordinatoru Rüfanə Mirzəyevadır.
Rüfanə Mirzəyeva bildirir :
Layihəni yazarkən “Gənc lider” qrantı istiqaməti seçmişdim, məqsədim isə rayonumuzda özünü inkişaf etdirmək istəyən, özünə yeni dəyərlər qatmaq istəyən gəncləri ortaya çıxarmaq, onlarla bir komanda formalaşdırmaqdan ibarət idi. Çünki inanıram ki, özünü inkişaf etdirmək istəyən hər bir gənc, həm də liderlik ruhuna sahibdir.
15.11.2022 – 01.03.2023 - cü il tarixlərində həyata keçirilən layihədə ingilis dili öyrənmək istəyən 30 nəfər gənc ingilis dili danışıq klubuna cəlb edilmişdir. Həftədə 2 dəfə olmaqla keçirilən təlimlərdə təlimçi Sübhan Hacıbabazadə tərəfindən müxtəlif interaktiv oyunlar, maraqlı öyrənmə üsulları tətqbiq edilərək gənclərin ingilis dili bacarıqlarının inkişafına şərait yaradılmışdır.
Layihənin davamlılığı olaraq həftədə 1 dəfə olmaqla Saatlı rayon Heydər Əliyev Mərkəzində ingilis dili təlimləri davam edəcəkdir.

F.Şərifov
Ulutv.İnfo