Cavanşir Feyziyevin şirkətinə protokol yazıldı
Millət vəkili Cavanşir Feyziyevə məxsus “Avromed Company” QSC barəsində protokol tərtib edilib.
bakunews.az qafqazinfo-ya istinadən xəbər verir ki, şirkət barəsində Dövlət Gömrük Komitəsi tərəfindən İnzibati Xətalar Məcəlləsinin 485.2-ci (Mallar və nəqliyyat vasitələri gətirilərkən və ya aparılarkən müvafiq icra hakimiyyəti orqanına məlumatın verilməməsi və ya təhrif olunmuş məlumatın verilməsi, yaxud əvvəlcədən qısa idxal bəyannaməsinin verilməməsi) maddəsi ilə inzibati protokol tərtib edilib. Protokol baxılması üçün Nizami Rayon Məhkəməsinə göndərilib. Məhkəmənin baxış iclası avqustun 10-na təyin edilib.
Qeyd edək ki, “Avromed Company” 2002-ci ildən fəaliyyətə başlayıb və əczaçılıq sahəsində ölkənin ən böyük şirkətlərindən biridir.
bakunews.az
Əlaqə whatsapp:+994 70 402 02 85
BakuNews.az
