Sizin reklam burada 728×90
Son dəqiqə

Bakı metrosuna 20 vaqon VERİLƏCƏK

10.01.2025 12:46 460 1 dəq oxunur
Bakı metrosuna 20 vaqon VERİLƏCƏK
“Bakı Metropoliteni” QSC tərəfindən Bakıya 150 ədəd yeni nəsil vaqon gətirilərək, istifadəyə verilib. Nəticədə metroda vaqonların yarısı yeni nəsil vaqonlardır.

Bunu rəqəmsal inkişaf və nəqliyyat nazirinin müavini Rəhman Hümmətov nəqliyyat sahəsində 2024-cü ildə həyata keçirilən tədbirlər və 2025-ci il üçün planlar mövzusunda keçirilən mətbuat konfransında çıxışı zamanı bildirib.

Nazir müavini qeyd edib ki, bu il Bakı metrosuna 20 ədəd yeni nəsil vaqon gətirilməsi planlaşdırılır.

Onun sözlərinə görə, ötən illərdə Bakıda 7 metrostansiya, 1 ədəd depo inşa edilərək istifadəyə verilib: “Dəmir yolu sahəsində də işlər görülüb. İnşa edilən dəmir yollarının uzunluğu və modernizasiya olunan xətlər 1500 kilometri ötüb”.
Şikayət və təkliflər üçün qaynar xətt Xəbər, şikayət və təklifinizi bizə göndərin Əlaqə WhatsApp: +994 70 402 02 85
Yaz BakuNews.az