Azərbaycanda Qida və Ərzaq Təhlükəsizliyi ilə bağlı problemlər o dərəcədə kəskin həddə çatdı ki, cənab Prezidentimiz İlham Əliyevin sərəncamı ilə 2017-ci ildə ölkədə qida təhlükəsizliyi ilə bağlı Azərbaycan Respublikasının Qida Təhlükəsizliyi Agentliyi (AQTA) yaradıldı.

Yəni konkret olaraq QİDA ilə bağlı. Biz çox dərinliklərə varmaq istəmirik. Amma QİDA məsələsi ciddi və strateji məsələdir. Və çoxlarının anlamadığı kimi MİLLİ TƏHLÜKƏSİLİK MƏSƏLƏSİDİR. Bəli, çoxları Milli Təhlükəsizlik deyəndə elə bilir ki, söhbət terrordan-zaddan gedir….amma unudur ki, millətin təhlükəsizliyi onun sağlamlığından başlayır… Sən hər gün ölmüş at-eşşək əti ilə, yaxud kimyəvi dərmanlarla şişirdilmiş broyler toyuqları bizə yedirt sonra da…

Bəli, bu gün Azərbaycanda bir çox qida, istehlak məhsulları heç bir normaya uyğun deyil. Hətta bu günlərdə Beynəlxaq Su Cəmiyyəti bildirdi ki, Azərbaycanda içməli su kimi istifadə olunan su heç texniki istifadəyə layiq deyil.

Təsəvvür edirsiniz, biz texniki istifadə üçün olan suyu qida kimi istifadə edirik. İndi siz gələcək nəsillərin sağlamlığını təsəvvür edin… Biz hər dəfə təkrar etmək istəmirik ki, Peyğəmbər Əfəndimiz deyirdi…. BİZ YEDİKLƏRİMİZİN CƏMİYİK… Bunu nə qədər yazmaq olar, nə qədər demək olar…
Bəli, bizim gələcək nəsillərimiz bu gün yedikləri qidalardan asılıdır…

Məlumdur ki, Azərbaycan xalqının mətbəxində toyuq və toyuq məhsulları az qala birinci yerdə gedir. Amma… Əmması odur ki, son 20-30 ildə ölkəni bürüyən toyuq, broyler fabriklərindəki toyuqlardan söhbət getmir…

Yaşlı nəsil bilir ki, sovet dövründə də toyuq broyler fabrikləri var idi…amma nəzarət DƏ HƏMCİNİN…toyuqların çəkisi üçün verilən qidaların tərkibinə nəzarət var idi… və s. Amma bu gün ölkədə dövlət tərəfindən nə qədər güclü nəzarət olsa da, işbazlar öz bildiklərini edirlər. Xalq nəzarəti azalıb, bundan istifadə edən iş adamları hər süni yolla QAZ VURUB QAZAN DOLDURMAQ istəyirlər. Və milyonlar qazanıb millətin gələcəyini məhv edirlər. Belə qida şirkətlərindən biri də “Mərcan” toyuq firmasıdır.

Təsəvvür edirsiniz, bütün marketlərdə satılan “Mərcan” toyuqlarının çəkisini süni şəkildə artırmaq üçün qablaşdırmanın içinə ağırlığa təsir edəcək buz kütləsi qoyulur.

Şikayətçilər yazır ki, “Mərcan” firmasına məxsus toyuğun paketindən az qala özü boyda buz parçası çıxır. Bunu çəkini artırmaq üçün edirlər. Yəni problem marketlik deyil, şirkətlə bağlıdır. Vətəndaşlar yazır ki, heç vaxt bu toyuqlardan almayın…

Məlumat üçün onu da qeyd edək ki, “Mərcan” toyuq əti məhsullarının istehsalçısı “Azerbaijan Poultry Company” MMC (APC)dir.
Təsəvvür edirsiniz, “Mərcan” toyuq fabrikində ibadət otağı var…burada namaz qılırlar və s. Məlumat üçün onu da qeyd edək ki, “Mərcan”ın direktoru Rüfət Məmmədzadə deyir ki, ayda 750-800 ton toyuq əti istehsal edirik. Onun sözlərinə görə, şirkət 2012-ci ildə, müasir texnologiyalar əsasında qurulub. Bütün bunlar hamısı yaxşı, amma millətin sağlamlığı ilə oynamayın, cənab Rüfət Məmmədzadələr…