bakunews.az-ya DİN-nin Regional Mətbuat Xidmətindən verilən məlumata görə, Samux Rayon Polis Şöbəsinin (RPŞ) əməkdaşları tərəfindən keçirilən əməliyyat-axtarış tədbirləri nəticəsində qanunsuz olaraq narkotik vasitə yetişdirməkdə şübhəli bilinən rayon sakini Səxavət Əliyev saxlanılıb. Şübhəli şəxsin fərdi yaşayış evinin həyətyanı sahəsindən xüsusi aqrotexniki qaydada qulluq etməklə yetişdirdiyi narkotik xassəli çətənə - Kannabis bitkilərinin olması müəyyən edilib. Əraziyə baxış zamanı oradan 12 ədəd ümumi çəkisi 4 kq-dan çox olan narkotik xassəli çətənə kolları aşkarlanaraq götürülüb.

Səxavət Əliyev Saxlanılan şəxs

Bundan başqa şöbə əməkdaşlarının keçirdikləri əməliyyat-axtarış tədbirləri nəticəsində qohumuna məxsus 1 baş iri buynuzlu heyvanı oğurlamaqda şübhəli bilinən Valeh Qurbanov və tanışı Sənan İsmayılov saxlanılıb. Dindirilmə zamanı saxlanılan şəxslər oğurladıqları heyvanı 300 mana Gəncə şəhərində satdıqlarını etiraf ediblər.

SİN:
1. Valeh Qurbanov - saxlanılan şəxs
2. Sənan İsmayılov - saxlanılan şəxs
Faktlarla bağlı araşdırmalar davam etdirilir.