Balakən rayonunda qanunları saymazlıq edən bir nəqliyyat vasitəsi sahibi haqqında məlumatlar ortaya çıxıb. Belə ki, 77 XA 660 dövlət qeydiyyat nişanlı avtomobilin Azər Abdullayevə məxsus olduğu bildirilir. Mənbələrin sözlərinə görə, o, Balakən Rayon İcra Hakimiyyətinin Humanitar Məsələlər üzrə müavini Nəzakət Rüstəmovanın qardaşı Sahibin qaynıdır. Məhz bu qohumluq əlaqələri ona rayonda toxunulmazlıq statusu qazandırdığı iddia edilir.

Rayon sakinlərinin bildirdiyinə görə, Nəzakət Rüstəmova subay olmasına baxmayaraq, qardaşının qurduğu ailə bağlarına verdiyi dəstək səbəbindən bu şəxslər qanunları öz mənafeyi istiqamətində yoza bilərək cəzasız olduqlarını düşünürlər. Bu cür davranışlar isə rayonda "Bağdadda kor xəlifə misalı" kimi qəbul olunur.

Lakin bu toxunulmazlıq sindromuna son qoyulduğu bildirilir. Belə ki, Daxili İşlər Nazirliyinin Balakən Rayon Dövlət Yol Polisinin əməkdaşları qeydiyyat nişanına qanunsuz müdaxilə etdiyinə görə, Azər Abdullayev barəsində inzibati xəta haqqında protokolu tərtib edib. O, İnzibati Xətalar Məcəlləsinin 342.9-cu maddəsinə əsasən cəzalandırılıb, avtomobil isə dayanacağa qoyulub.

Bu hadisə bir daha göstərir ki, qanunların aliliyi qorunmalı, toxunulmazlıq iddiasında olan hər kəs qanun qarşısında cavab verməlidir. Balakəndə bu cür hadisələrin təkrarlanmaması üçün dövlət qurumlarının ardıcıl nəzarəti şərtdir.

Daxili İşlər nazirliyi tərəfindən görülən tədbirlə bağlı rəsmi açıqlamada verilib. DİN-in Mətbuat Xidmətinin Şəki regional qrupunun baş inspektoru Mahir Məsimov bildirib ki, avtomobilin dövlət qeydiyyat nişanına müdaxilə edən həmin nəqliyyat vasitəsinin sürücüsü polis əməkdaşları tərəfindən müəyyən olunub və barəsində İnzibati Xətalar Məcəlləsinin müvafiq maddəsi ilə protokol tərtib olunub.

Bu gönderiyi Instagram'da gör

BakuNews.az (@bakunews.az)'in paylaştığı bir gönderi

Bölgə müxbiri, Q.Mahalova