Balakəndə “Külə dönmüş arzular” tamaşası nümayiş etdirilib
Balakən rayonunda “Külə dönmüş arzular” adlı maarifləndirici tamaşa nümayiş etdirilib.
Tamaşa Şəki-Zaqatala Regional Mədəniyyət İdarəsinin Balakən Rayon Mədəniyyət Mərkəzi və Balakən Rayon Narkotiklərlə Mübarizə Komissiyasının birgə təşkilatçılığı ilə keçirilib.
Səhnə əsərində narkotik vasitələrin insan sağlamlığına və cəmiyyətə vurduğu zərərlər, narkotik asılılığının gənclərin həyatına mənfi təsiri, onların arzularının və gələcək ümidlərinin necə məhv olduğu tamaşaçılara çatdırılıb.
Tamaşanın məqsədi gənclər arasında narkomaniyaya qarşı maarifləndirmə işlərini gücləndirmək olub.
Tamaşada Balakən Rayon İcra Hakimiyyətinin başçısı Natiq Ağayev, Balakən Rayon Polis Şöbəsinin rəisi, polis polkovniki Çingiz Aslanov, eləcə də aidiyyəti qurumların nümayəndələri iştirak ediblər.
Əlaqə whatsapp:+994 70 402 02 85
BakuNews.az
