Xaçmazda Padar kəndi ərazisində meşə zolağının kütləvi qırılması iddia olunur -Video
Xaçmaz rayonunun Padar kəndi ərazisindən keçən Ağçayın yaxınlığında yerləşən meşə zolağında kütləvi ağac kəsilməsi ilə bağlı iddialar yayılıb. Sakinlərin sözlərinə görə, ərazidə ağacların böyük hissəsi qırılaraq yerində bağ salınmasına hazırlıq aparılır.
Hadisə ilə bağlı yayılan görüntülərdə meşə zolağında çoxsaylı ağac kötüklərinin qaldığı və ərazidə torpaq hazırlığı işlərinin aparıldığı görünür. Sakinlər bildirirlər ki, meşə sahəsinin hansı əsasla kəsildiyi barədə onlara hər hansı məlumat verilməyib.
Sakinlər aidiyyəti dövlət qurumlarını məsələyə müdaxilə etməyə, qanunsuzluq ehtimalının araşdırılmasına çağırırlar.
Qeyd edək ki, iddialarla bağlı adı çəkilən qurumların mövqeyi hələlik əldə olunmayıb.
Media olaraq məsələyə dair Ekologiya və Təbii Sərvətlər Nazirliyi, Xaçmaz Rayon İcra Hakimiyyəti və digər aidiyyəti qurumların mövqeyini dərc etməyə hazırıq.
Mövzuya qayıdacağıq.
VİDEO
Əlaqə whatsapp:+994 70 402 02 85
BakuNews.az
