"Kürdəmir rayonu, Köhünlü bələdiyyəsinin sədri Azər Ağayevin qanunsuzluqları barəsində dövlət qurumlarına dəfələrlə müraciət ünvanlamışam. Əmlak Məsələləri Dövlət Xidmətinin Ucar regional şöbəsinin əməkdaşları və bələdiyyə sədri əlbir olaraq qanunsuz akt tərtib ediblər. Azər Ağayevin Kürdəmir RİH, Göyçay Regional Ədliyyə idarəsinə və Əmlak Məsələləri Dövlət Xidmətinin Ucar regional şöbəsinə təqdim etdiyi məlumatlar üst-üstə düşmür. Şəxs dövlət qurumu əməkdaşlarına müxtəlif çaşdırıcı məlumatlar təqdim edərək məsuliyyətdən yaxa qurtarmaq istəyir. Ədalətin bərpası üçün Sizlərin köməyinə ehtiyacım var. Xahiş edirəm dövlət qurumlarıma müraciətimi işıqlandırasınız". Dia-az.İnfo xəbər verir ki, bu barədə Kürdəmir rayonunun Şüşün kəndində yaşayan İbrahimli Pərviz Tahir oğlu tərəfindən ünvanlanan müraciətdə deyilir.

Kürdəmir rayonunun Şüşün kəndində yaşayan İbrahimli Pərviz Tahir oğlu tərəfindən ünvanlanan müraciətdə daha sonra belə deyilir:

"Daşınmaz Əmlakın Dövlət Kadastrı və Reyestri publik hüquqi şəxsin İdarə Heyətinin sədri Nigar xanım Alimovaya
Surəti: Azərbaycan Respublikasının Prezidenti İlham Əliyev Cənablarına
Surəti: Azərbaycan Respublikasının Baş Naziri cənab Əli Əsədova
Surəti: Azərbaycan Respublikasının iqtisadiyyat naziri Mikayıl Cabbarova
Surəti: Azərbaycan Respublikasının Baş prokuroru Kamran Əliyevə
Surəti: Azərbaycan Respublikasının Baş prokuroru yanında Korrupsiyaya qarşı Mübarizə Baş İdarəsinin rəis cənab Nazim Rəcəbova
Surəti: Kürdəmir Rayon İcra Hakimiyyətinin başçısı Elxan İbrahimova
Surəti: Kürdəmir rayon prokuroru cənab Tural İbrahimova
Surəti: Bələdiyyələrlə İş Baş İdarəsinin rəisi vəzifəsini icra edən Elmin Həsənova
Surəti: Əmlak Məsələləri Dövlət Xidmətinin Ucar Ərazi Şöbəsinə
Surəti: Kürdəmir rayon, Köhünlü bələdiyyəsinin sədri Azər Ağayevə

Hörmətli Nigar xanım!

Səsimin Sizlərə çatmamasını və ədalətli araşdırılma aparılmamasını nəzərə alaraq, Sizlərə mətbuta üzərindən müraciət etmək qərarına gəldim.

Məlumat üçün bildirim ki, Kürdəmir rayon, Köhünlü bələdiyyəsinin sədri Azər Ağayev və Əmlak Məsələləri Dövlət Xidmətinin 16-saylı Ucar regional şöbəsinin əməkdaşları özbaşınalıqlarından əl çəkmirlər. Qeyd edilən qurumların əməkdaşlarının özbaşınalıqları barəsində qurumlara dəfələrlə müraciət ünvanlamışam. İlki müraciətimdə cavabdeh qurumlardan aşağıdakıları xahiş etmişdim.

1. Kürdəmir rayon, Köhünlü kəndi ərazisində olan bələdiyyə torpaqarının sahə ölçüləri və yerləşmə yerləri barədə məlumat təmin edilməsini.

2. Köhünlü bələdiyyəsinin ərazisində qanuni icarə müqaviləsi olan torpaqlar barəsində seçicilərə məlumat verilməsini.

3. Köhünlü bələdiyyəsinin ərazisində qanunsuz istismar olunan 100 hektarlarla torpaq sahəsinin qanunsuz istismar olunmasına dair cinayət məcəlləsinin 188-ci maddəsinə uyğun hüqquqi addım atılmasını.

4. Qeyri-qanuni istismar olunan torpaqların dövriyyəyə qaytarılaraq hərraca çıxarılmasını.

5. Torpqaların qeyri-qanuni istifadəyə verilməsinə görə korrupsiya faktının araşdırılmasını üçün hüquq mühavizə orqanlarına müraciət ünvanlamasını.

10 iyul 2024-ci il tarixində Əmlak Məsələləri Dövlət Xidmətinin Ucar Ərazi şöbəsinin əməkdaşları torpağa baxış keçirərək akt tərtib etdilər. Qeyd edim ki, baxış zamanı torpaqların mülkiyyətinə dair heç bir sənəd təqdim edilmədi. Həmçinin ölçülər aparılan zaman əmlak mütəxəssisləri ərazilərə dair sənəd aşkar edə bilmədilər. Lakin mənə akt təqdim edilərkən tərtib edilən aktın tam qanunsuz və saxta faktlara dolu olduğunu gördüm. İlki olaraq aktı imzalamaqdan imtina etdim. Kamil Həsənli akta imza atmayacağım təqdirdə aktın surətini əldə edə bilməyəcəyimi dedi. Bu faktı əmlak mütəxəsissinin üzərindəki video müşahidə cihazından da təyin edilə bilər. Aktı əldə etmək üçün imza atdım və qarşı tərəfə tərtib edilən aktdan şikayət edəcəyimi bildirdim. Tərtib edilmiş aktda olan qanunsuzluqları bir-bir qeyd etmək isdərdim. (akt məktuba əlavə edilib)

1. Aktda qeyd edilib ki, 19.30 hektar torpaq sahəsi Zülfiqarov Hüseyn Ədalət oğlunun icarəsindədir. Halbuki 906012001064 nömrəli torpaq sahəsi 11 oktyabr 2023-cü tarixində hərraca çıxarılıb və ölçüsü aparılan yerdə deyil başqa ünvanda olmasına dair şübhələrim var.

2. Aktda 906012000745 və 906012000745 nömrəli çıxarışla müvafiq olaraq, 20.9 və 5.1 ha torpaq sahələrinin Alıyev Etibar Alı oğlunun icarəsində olduğu qeyd edilib.

3. Aktda 15 hektar torpaq sahəsinin 26 avqust 2007-ci ildə bələdiyyə qərarı və eyni tarixli icra müqaviləsi ilə 25 il müddətinə Rüstəmov Zəmanət Fətalı oğluna icarəyə verildiyi qeyd edilib.

4. Aktda 906013033032 və 906013033031 nömrəli çıxarışla müvafiq olaraq, 5,09 və 1.95 ha torpaq sahələrinin Şahverdiyev Həsrət Murad oğlunun icarəsində olduğu qeyd edilib.

5. Əmlak mütəxəssislərinə təqdim etdiyim və qanunsuz istismar olunduğunu bildirdiyim torpaq sahəsi 150 ha ölçüdədir. Torpaq sahəsinin xəritə üzərində yerləşmə kordinatları məktuba əlavə edilib.

6. Ölçməsi aparılmış torpaq sahəsinin ümumi ölçüsü 150 hektar olduğu halda yuxarıda qeyd edilən sənədlərdə 67.34 hektar sahə barəsində məlumat var. Qalan torpaq sahələri barəsində heç bir məlumat yoxdur.

7. Mən təqdim etdiyim digər sahələr haqqında məlumat akta daxil edilməyib.

Bütün faktlar göstərir ki, Kamil Həsənli təsir dairəsinə düşüb və ədalət prinsiplərini unudub. Kamil Həsənli kimlərinsə telefon zənginə əsasən dövlət əhəmiyyətli aktı tərtib edərkən saxtakarlığa yol verib. Qeyd edim ki, ölçü aparan zaman bələdiyyə sədri torpaq sahələrinin sənədi olmadığını görərək dırnaq arası konsert verdi. Səsini başına ataraq məni provikasiyaya çəkməyə cəhd etdi.

Bütün bunlardan sonra təkrar olaraq, Əmlak Məsələləri Dövlət Xidmətinə müraciət ünvanlayaraq aşağıdakıları xahiş etdim.

1. Ədalətin bərpası üçün əraziyə Bakıdan əmlak mütəxəssisləri əraziyə ezam edilsi.

2. Təkrar ölçü aparılan zaman Kürdəmir RPŞ-dən içtimai asayişi qorumaq üçün polis dəvət edilməsini.

08.08.2024-ci il tarixində Əmlak Məsələləri Dövlət Xidmətin 16-saylı Ucar Regional Şöbəsinin əməkdaşları əraziyə təkrar baxış keçirdilər. Bu baxış haqqında olan faktlar aşağıdakı kimidir.

1. Təkrar baxış yenidən 16-saylı Ucar Regional Ərazi şöbəsinə tapşırılıb.

2. Təbii ki, 16-saylı Ucar Regional Ərazi şöbəsi qanunsuzluqlarını ört basdır etmiş olacaq.

3. Qanuna uyğun olaraq barəsində şikayət verilmiş şəxs və bölmə araşdırmada iştirak etməməlidir.

4. İlkin müraciətimdə Bakıdan Əmlak mütəxəssislərinin cəlb edilməsini xahiş etmişdim.

5. 28.08.2024-ci il tarixindən Əmlak Məsələləri Dövlət Xidmətindən cavab məktubu almışam. (Cavab məktubu sənətə əlavə edilib).

6. Cavab məktubunda torpaq sahələrinin yerləşmə yerləri və çıxarış nömrələri barəsində bir kəlmə də yazılmayıb.

7. Həmçinin çıxarış nömrələrinin ərazi uyğunluqlarının yoxlanılması barədə bir kəlmədə yazılmayıb.

8. Cavab məktubu 16-saylı Ucar Regional Ərazi şöbəsi şöbəsinin əməkdaşlarını müdafiə xarakterli yazılıb.

9. Cavab məktubunda qeyd edilib ki, bütün sahələr üzrə mülkiyyət hüquqları qeydiyyata alınıb. Halbuki təqdim edilən sahənin ümumi ölçüsü 150 ha olduğu halda əmlak mütəxssisləri güclə bəla ilə 67 ha torpaq barəsində nəsə düzqoş edə biliblər.

10. Kürdəmir RİH-i isə 45.30 ha torpaq sahəsinin sənədi olduğunu yazıb. (Məktub sənədə əlavə edilib).

13.09.2024 tarixində Ədliyyə nazirliyinin Göyçay Regional Ədliyyə Idarəsi tərəfindən cavab məktubu almışam (məktub sənədə əlavə edilib). İlk öncə Ədliyyə nazirliyinin əməkdaşlarına operativ və qanuni cavlarına görə təşəkkür edirəm. Məktubda qeyd edilən aşağıdakı önəmli faktları diqqətinizə çatdırıram.

1. Məktubda Köhünlü bələdiyyəsinin 386 ha ehtiyyat fond torpağı mövcutdur.

2. Bu torpaqlardan 261 ha əkin təyinatlı torpaqdır.

3. Bu torpaqlardan 125 ha otlaq sahəsidir.

4. Ümumilikdə 99 ha torpaq sahəsi icarə müqavilələri ilə vətəndaşların istifadəsinə verilib.

5. 287 ha torpaq sahəsinin aqibəti bəlli deyil. Kənd əhalisi icarəyə götürmək və mal-qarasını otarmaq üçün torpaq sahəsi tapa bilmir.

6. Məktubda qeyd edilib ki, 26 avqust 2007-ci ildə bələdiyyə qərarı və eyni tarixli icra müqaviləsinin müddəti bitib. Bu fakt göstərir ki, Kamil Həsənli akta yalnış məlumat daxil edib. Kamil Həsənlinin tərtib etdiyi akta baxsanız görəcəksiniz ki, şəxs yazıb ki, tarpaq sahəsi 25 il müddətinə Rüstəmov Zəmanət Fətalı oğluna icarəyə verilib.

7. Təqdim edilən faktlar göstərir ki, Kamil Həsənli və Azər Ağayev bilərəkdən akta yalnış məlumat daxil edərək dövlət qurumlarını çaşdırırlar.

Hörmətli Nigar xanım!

Bütün yuxarıda sadalanan faktları nəzərə alaraq, Sizdən aşağıdakıları xahiş edirəm.

1. Əmlak Məsəlləri Dövlət Xidməti tərəfindən Bakıdan işçi qrup ayrılmasına göstəriş verəsiniz.

2. Barəsində Şikayət verilmiş Ucar regional şöbəsinin işin araşdırılmasından kənarlaşdırılmasını təmin edəsiniz.

3. Tərəfimdən yerləşmə yeri təqdim edilmiş və qanunsuz istismar olunan 150 ha torpaq sahəsinin yenidən ölçülməsi aparılsın və torpaq sahəsinin bələdiyyənin balansına qaytarılması təmin edilsin.

4. Qanunsuz istifadə edilən torpaq sahələrinə münasibətdə cinayət məcəlləsinin 188-ci maddəsinin tələblərinin yerinə yetirilməsinə köməklik edəsiniz.

5. Qanunsuz Akt tərtib etmiş Kamil Həsənli və yalnış məlumat təqdim etmiş bələdiyyə sədri Azər Ağayev barəsində qanuna müvafiq tədbir görülsün.

6. Bələdiyyəyə məxsus 261 ha əkin təyinatlı və 125 ha örüş təyinatlı torpaq sahələrinin yerləşmə yerləri barəsində rəsmi məlumat təmin edilsin. Köhünlü bələdiyyəsinin qanunsuz zəbt edilmiş bütün torpaq sahələri dövriyyəyə qaytarılsın.

Əlaqə nömrəsi – 0102559345
Hörmətlə,
İbrahimli Pərviz Tahir oğlu
24.09.2024
Kürdəmir rayon Şüşün kəndi"