Bakıda restoran sahibindən azyaşlı övladını girov götürməklə hədə-qorxu yolu ilə pul tələb etməkdə təqsirləndirilən Sakit Əlişov və Şahin Quliyevə hökm oxunub.

Bakunews.az-ın məlumatına görə, bu barədə hökm Bakı Ağır Cinayətlər Məhkəməsinin hakimi Səbinə Məmmədzadənin sədrliyi ilə keçirilən prosesdə elan edilib. Hökmə əsasən, təqsirləndirilən şəxslər Sakit Əlişov və Şahin Quliyev 12 il müddətinə azadlıqdan məhrum ediliblər.

Xatırladaq ki, prokuror Ziya Mansurov hər iki təqsirləndirilən şəxsin 13 il müddətinə azadlıqdan məhrum edilməsini məhkəmədən istəmişdi.

Təqsirləndirilən şəxslərin vəkiləri şəxslərin hədə- qorxu ilə pul tələbi olmadığını iddia etsələrdə, Zərərçəkmişin vəkili Cavid Cəfərovun əsaslı çıxışları hakimində verdiyi hökmə təsirdən yan keçmədi. Cavid CƏfərov azyaşlının əlayağını bağlayan və atanın küt alətlə yaralamaqla 200 min manat istənilməsi məhs ilkin istintaq dövründə Cinayət Məcələsinin 145 və 182 tövsif edilməsinini əsaslandırmaqla düzgün qərar qəbul edildiyində bildirdi.

Qeyd edək ki, Cəlilabad rayon sakini Sakit Əlişov və Qəbələ rayon sakini Şahin Quliyev Nəsimi rayonu ərazisində yerləşən kafelərin birində oranın sahibinin başına dəmir parçası ilə xəsarət yetiriblər. Daha sonra onun azyaşlı oğlunu zirzədə stula bağlayıb bıçaqla hədələyərək 200.000 manat verilməsini tələb ediblər.

Hər iki şəxsə qarşı Cinayət Məcəlləsinin 145 və 182.3.2-ci (hədə-qorxu ilə tələb etmə) maddəsi ilə ittiham irəli sürülüb. Sonda hakim ittiham edilən şəxslərə 12 il hökm oxudu.