- SALAM ZƏHMƏT OLMASA, ÖZÜNÜZÜ TƏQDİM EDİN.

Salam. Mən Hümbətzadə Vüsal Nurəddin oğlu 2003-cü ildə anadan olmuşam. 2020-ci ildə Azərbaycan Dillər Universitetinə qəbul olub 2024-cü ildə həmin universitetin məzunu olmuşam. Bu il isə İsveçrənim Sürix Universitetinə qəbul olmuşam.

- Xaricdə təhsil almaq qərarına necə gəldin?

Xaricdə təhsil qərarına, 4 -cü kursdan fikirləşməyə başladım. Daha sonra özüm də xaricdə təhsil şirkətində işlədiyim üçün birbaşa olaraq fikrim ordan yarandı. Xaricdə təhsilə lap əvvəldən marağım var idi. Əvvəlcə qısa və uzunmüddətli layihələr daha sonrasında xaricdə təhsil qərarına gəldim.

- Bu uğurunuza görə ən çox hansı müəlliminizə təşəkkür etmək istəyirsiniz?

Təbii ki, ADU-nun kafedra müdiri prof. Aynur Sabitovaya və Biliyin qiymətləndirilməsi və monitorinq şöbəsinin müdiri dos. Fatma Qurbanzadəyə təşəkkür etmək lazımdır ilk nöbədə. Amma heç bir müəllimi o birindən ayıra bilmərəm. Çünki, mənə köməklik göstərən müəllimlərin hamısı əziyyət çəkiblər.

- Sizin uğurunuza valideyinlərinizin reaksiyası necə oldu?

Məncə atamla, anam təbii qarşıladı. Çünki, gözləyirdilər məndən bu nəticəni. Amma yenə də çox sevindilər.

- Bir gənc olaraq həmyaşıdlarınıza nəyi tövsiyyə edirsiniz?

Dərslərinə fikir versinlər. Düzdür, gənclik elə bir dövrdür ki, adamın başı başqa şeylərə qarışır, amma məncə elmə daha çox önəm versinlər. Çünki əlavə işlərə sonra vaxtları olacaq.

Müsahibəni aldı: Jurnalist, aparıcı Nərmin Əlisoy