30 dekabr tarixində Mingəçevir şəhər İcra Hakimiyyətinin başçısı İlham İsmayılovun şəhid Rzayev Əli Nəsib oğlunun anası Kamilə Rzayevaya yeni mənzilin açarını təqdim etməsi zamanı çəkilmiş və icra başçısının ayaqqabı ilə mənzilə daxil olmasını əks etdirən foto Bakunews.az xəbər portalının elektron poçt ünvanına oxucu tərəfindən göndərilmişdir. Vətəndaşın narazılığı nəzərə alınaraq məsələ tənqidi yanaşma çərçivəsində xəbər portalımızda dərc olunmuşdur.

Bu gün isə Mingəçevir şəhər İcra Hakimiyyətinin rəsmi elektron poçt ünvanından redaksiyamıza məsələ ilə bağlı açıqlama göndərilmiş, tərəfin mövqeyinin dərc olunması xahiş edilmişdir. Qeyd edək ki, açıqlama ilə yanaşı yayımlanmış məqalənin silinməsi də istənilmişdir. Bakunews.az olaraq bildiririk ki, dərc olunmuş material silinməyəcək, lakin jurnalist etikasına uyğun olaraq qarşı tərəfin mövqeyi olduğu kimi təqdim edilir.

İcra Hakimiyyətinin açıqlamasında deyilənləri hərifi hərifinə sizə təqdim edirik (bir hərifinə belə dəyişiklik etmədən həm də):

Əvvəla qeyd edək ki, bir məsələ diqqətə çatırılarkən yazar köşə yazısı hazırlayırsa orda kimdənsə mövqe öyrənməsi qanunda mütləq deyil. Müəllifin yaranan mənzərəyə şəxsi münasibətidir. Fikir yayımlayarkən mövqeyin öyrənillməsinə olan adekvat cavabımız kimi qəbul edin hörmətli icra sözcüsü.

Məsələ ilə bağlı daha sonra Mingəçevir şəhər İcra Hakimiyyətinin İctimai-siyasi və humanitar məsələlər şöbəsinin baş məsləhətçisi Azər Hüseynov Akif oğlu redaksiyamızla telefon əlaqəsi saxlamışdır. Lakin diqqətçəkən məqam ondan ibarətdir ki, məsələni aydınlaşdırmaq əvəzinə, mövqe bildirməzdən əvvəl Azər Hüseynov şəhid anasının mənzilinə gedərək, redaksiyamıza zəng etmişdir. Zəng zamanı telefonu Kamilə xanıma verib və icra başçısının ayaqqabı ilə mənzilə daxil olmasının şəhid anasının təkidi ilə baş verdiyini bilə vasitə özümüzün eşitməyimizi təmin etmək məqsədi olduğunu bizə bildirmişdir. Yəqin baş məsləhətçi olan Azər müəllim bu cür addımların heçdə normal fikri yaratmayacağını unudub. Elə bu addımında ictimaiyyət üçün açıq olan bir məsələdə mövqeyin təzyiq (üz-üzdən utanar misalının) formalaşdırılması təəssüratı yaradır. Qeyd edək ki Şəhid anasınada elə İcra başçısının onu mənzilə təmin etməsi bildirildiyindən O da bunu belə qəbul edib. Elə xəbər portalı vasitəsi ilə Şəhid anamıza bir daha çatırırıq ki o ev Sənə Ali Baş Komandan Cənab Prezident İlham Əliyev tərəfindən verilib. Yerli məmurlar tərəfindən deyil. İcra başçısı sadəcə sənə o açarı prezidentin adından təqdim etməklə mükəlləfdir.

Bundan əlavə, verilən açıqlamalarda Prezident tərəfindən şəhid ailələrinə təqdim olunan mənzillərin sanki rayon icra başçısının şəxsi təşəbbüsü kimi təqdim edilməsi cəhdi də diqqətdən yayınmır. Halbuki hər kəsə məlumdur ki, şəhid ailələrinə mənzillərin verilməsi Prezident İlham Əliyevin və Birinci vitse-prezident Mehriban Əliyevanın təşəbbüsü ilə dövlət büdcəsi hesabına həyata keçirilən sosial siyasətin tərkib hissəsidir. Xüsusilə Mehriban Əliyevanın şəhid ailələrinə və həssas təbəqəyə göstərdiyi xüsusi diqqət cəmiyyətə yaxşı məlumdur.

Bakunews.az olaraq mövqeyimiz dəyişməzdir: Biz həm şəhid ailələrinə göstərilən diqqət və qayğını yüksək qiymətləndirir, həm də dövlət başçısının və Birinci vitse-prezidentin bu sahədə gördüyü işlərin hansısa məmurun adına yazılmasını doğru hesab etmirik. Qarşı tərəfin mövqeyi ictimaiyyətə təqdim olunur, lakin tənqidi materialın silinməsi qəbuledilməzdir.

Təqdim edilən açıqlamadan narazılığı olan tərəflərin mövqeyini yenidən dərc edə bilərik.

Bakunews.az
Redaksiya