Bakı İnzibati Məhkəməsinin (BİM) qeyri-prosessual özbaşınalığı , inzibati orqanların buyruğu ilə oturub-durması (halbuki əksinə olmalıdır, hamı məhkəmənin göstərişi ilə oturub- durmalıdır) elə hədsizliyə çatıb ki, tələbkarın məhkəməyə (icranı tələb edən) müraciətinə qadağa qoyulub.

Bu sətirlər tanınmış jurnalist Məğrur Bədəlsoyun Yenixeber.org-a ünvanladığı yazıda yer alır:

Məhkəmə hakimiyyətinin icra hakimiyyətinin “şilləvuranı” rolunda çıxış etməsi acı gerçəklikdir. Maddi hüquq normalarının pozulmasını bir yana qoyaq, məhkəmələrin prosessual normaları ayaqlaması artıq normaya çevrilib. Qeyri-prosessual özbaşınalığa baxın, məhkəmə (Nəsimi ya Nərimanov, ya da Füzuli, Nizami, Xətai fərqi yoxdur hansı şair, filosofun adını daşısın), hakim ( Vüsalə Musayeva olsun, ya Solmaz Ədilova, Qumru Əliyeva, Həqiqət Əhmədova, ya bir başqası , elə böyük önəm daşımır) işi yekunlaşdırıb müşavirə otağına qərarını hazırlamağa gedir və ... OTAQDAN yeni İCLAS TƏYİN EDİR!(?). Bu qeyri-prosessuallığa, dünya birliyi , Avropa Şurası hələ soraqsız olsa da, milli hökumətimiz, Məhkəmə Hüquq Şurası 11 aydır susur.

Bakı İnzibati Məhkəməsinin (BİM) qeyri-prosessual özbaşınalığı , inzibati orqanların buyruğu ilə oturub-durması (halbuki əksinə olmalıdır, hamı məhkəmənin göstərişi ilə oturub- durmalıdır) elə hədsizliyə çatıb ki, tələbkarın məhkəməyə (icranı tələb edən) müraciətinə qadağa qoyulub. Halbuki qanunvericilik tələbkar ərizə vermədikdə belə MƏHKƏMƏNİN xidməti vəzifəsinə görə İCRA HAQQINDA QƏRARDAD çıxarmalı olmasını diqtə edir. Bəs məhkəməyə müraciətə qadağanı , Konstitusiyaya (2025-Konstitusiya ilində, ya öncə, ya da sonra, önəm daşımır) hörmətsizliyi kim aradan qaldırmalıdır? Hamı yaxasını kənara çəkir, prokurorluq Məhkəmə Hüquq Şurasını (MHŞ) nişan verir (halbuki özü Şuraya müraciət etməlidi(r), MHŞ “Elektron məhkəmə” sisteminin yalnız (?) iddialar üçün nəzərdə tutulduğunu (?) BİM-ə istinadla bildirir. Halbuki, qanunvericiliyin tələbinə görə, bütün sənədlər məhkəməyə elektron kabinetdən təqdim olunur və başqa cür verilməsi tələb oluna bilməz. Belə çıxılmaz, hüquqsuz durumdan necə çıxmaq olar? Əlbəttə, MHŞ-ya qarşı BİM-də iddia qaldırmaqla! Çıxılmazlığa, hüquqsuzluğa baxın, BİM-in məhkəməyə müraciətə qadağa qoyması özbaşınalığına qiymət verməkdən imtinaya görə MHŞ-ya qarşı BİM-ə müraciət etmək! Hüquq dilində buna nə deyilir, kazus, yoxsa “səndən sənə şikayətim var”?

BİM-in vəzifəsindən qeyri-prosessual istifadəsindən dəyən ziyanın Maliyyə Nazirliyi vasitəsilə ödənməsi tələbi ilə Nəsimi və ya Nərimanov məhkəməsinə müraciət etməkdən özgə yol qalmadığından tələbkar 4 ay qabaq hər iki məhkəmənin “qapısını döyüb”. Nərimanov (h. Solmaz Ədilova) və Nəsimi (h. Vüsalə Musayeva) məhkəmələri icraata qəbuldan imtina edib və 2,5 aydan sonra (halbuki maksimal müddət on gündür) , o da MHŞ-ya, MM-ə, PA-ya iki aylıq şikayətlər sonucunda işi Bakı Apellyasiya Məhkəməsinə göndərib.

Apellyasiya instansiyası qeyri-prosessual özbaşınalığa qiymət verməyə borclu olsa da, əksinə, özü elə qeyri-prosessual özbaşınalığa əl atıb ki!.. Özbaşınalığa baxın, tələbkar məhkəməyə müraciətinə qadağadan şikayət edir, iş onu məhkəməyə müraciətinə görə yatağında 400 manat cərimə edən qərəz heyətinə (Xumar Mərdanova, Vahid Sadıqov, Sabit Bəhrəmzadə, Rəşid Səmədov (sədrlik edən) , iş 514) verilir!(?) Nə etiraza baxılır, nə işə baxma aktı çıxarılır, nə də Ali Məhkəmənin formalaşdırdığı vahid məhkəmə təcrübəsinə. Digər heyətin (Günel Abbasova, Fuad Talışinski və b.) eyni özbaşınalığı da MHŞ-nın araşdırma aparmasına əsasdır. Məhkəmə heyəti 11.02.2026-cı ilə gecə yarısına (saat 00-00-a) yazılı icraat (mahiyyət) təyin edilməsi (?) barədə məlumat verib və yekun akt çıxardığını (?) “E-məhkəmə” sistemindən bildirib.

Məhkəməyə müraciətinə qadağa qoyulan tələbkar 3 gündür GECƏ YARISI 3 HAKİMİN YAZILI İCRAATDA YEKUN AKTI NECƏ ÇIXARDIĞINI anlamaqda aciz qalıb. (Vüsalə Musayeva da gecə akt çıxardığını bildirib, amma “barıtı az edib”, düz gecə 12-yə salmayıb) “Barıtı bu qədər çox etməyin” məhkəmə hüquq sisteminə nə töhfəsi ola bilər?

Sual ritorik deyil, cavab tələb edir. Di gəl kim verəcək? MHŞ, Ali Məhkəmə, Konstitusiya Məhkəməsi, prokurorluq, ombudsman, yoxsa ?(Yenixeber.org)

Qarşı tərəfin cavab haqqını tanıyırıq.