FEMSA: Şəhərlər uşaqların ehtiyacları nəzərə alınmaqla layihələndirilməlidir
Şəhər planlaşdırılması uşaqların maraq və ehtiyacları nəzərə alınmaqla həyata keçirilməlidir.
Bu barədə Meksikanın ən böyük holdinq şirkəti (Latın Amerikasının aparıcı pərakəndə satıcısı) olan FEMSA-nın məktəbəqədər təhsil şöbəsinin rəhbəri Sindi Qonsales Bakıda keçirilən Ümumdünya Şəhərsalma Forumunun 13-cü sessiyası (WUF13) çərçivəsində "İctimai məkanlar erkən uşaqlıqdan" panel sessiyasında bildirib.
O vurğulayıb ki, uşağın şəxsiyyətinin formalaşması təkcə onun valideynləri və tərbiyəçiləri ilə qarşılıqlı əlaqəsi ilə deyil, həm də böyüdüyü və inkişaf etdiyi ətraf mühitlə şərtlənir.
"Şəhərlər həddindən artıq çox hallarda yetkin insanın baxış bucağından çıxış edərək yaradılır, bu zaman isə azyaşlı sakinlərin ehtiyacları diqqətdən kənarda qalır. Əgər biz həqiqətən də daha inklüziv, humanist və dayanıqlı cəmiyyət yaratmağa can atırıqsa, şəhərlərimizi uşaqların baxış prizmasından qəbul etməyə başlamalıyıq", - S. Qonsales bildirib.
Əlaqə whatsapp:+994 70 402 02 85
BakuNews.az
