“PAŞA Holding” Məhdud Məsuliyyətli Cəmiyyət (PAŞA Holdinq və ya “PAŞA Holding” MMC) öz törəmə şirkətləri vasitəsi ilə bankçılıq, sığorta, tikinti, informasiya texnologiyaları, daşınmaz əmlak və turizm sektorlarına sərmayə yatırır.
Holdinq fəaliyyətə başladığı 2006-cı ildən etibarən öz biznesini effektiv menecment, korporativ idarəetmə və düşünülmüş investisiya qərarları əsasında qurur.
Holdinqdə iki növ investisiya portfeli mövcuddur: PAŞA Holdinq və törəmə şirkətlərində (PAŞA Qrup) səhmlərin nəzarət payı və kiçik özəl kapital investisiyaları.
PAŞA Holding: Bizə olan inamın önəmini duyaraq, dürüstlük, keyfiyyət, gəlirlilik, əməkdaşlıq və sahibkarlıq üzərində qurulmuş strategiyamıza güvənirik.
Bankçılıq sahəsində aparıcı mütəxəssislər
Azərbaycan Əmanət Bankı kimi 1874-ci ildə qurulan Kapital Bank 3 milyondan çox fiziki və 22 mindən artıq hüquqi şəxsə geniş çeşiddə bank xidmətləri göstərir.
2007-ci ildə yaradılmış PAŞA Bank böyük korporasiyalardan kiçik və orta ölçülü müəssisələr və PAŞA Bankın əmək haqqı kart sahiblərinədək müştərilərə investisiya bankçılığı, ticarətin maliyyələşdirilməsi, aktivlərin idarə edilməsi də daxil olmaqla əsas maliyyə xidmətlərini təklif edir. PAŞA Bank Türkiyə, Azərbaycan və Gürcüstan arasında ticarətin inkişafına töhfə verməyi və regiona investisiya yatıran müəssisələri resurs və təlimatla təmin etməyi qarşısına məqsəd qoyur.
"PAŞA Sığorta" ASC Azərbaycanın sığorta bazarında tanınmış liderdir. PAŞA Sığorta 300 000-ə yaxın fiziki və hüquqi şəxsə 36 növ könüllü və icbari sığorta üzrə xidmət göstərir.
"PAŞA Həyat Sığorta" ASC dinamik inkişaf edən universal həyat sığortası şirkəti olmaqla yanaşı, hazırda həyat sığortasına dair bütün növ məhsulları müştərilərinə təqdim edir.
“PAŞA İnvestments” Azərbaycan, Gürcüstan və Türkiyədə orta kapitallı şirkətlərə kapital artımı investisiyalarını hədəfləyən investisiya şirkətidir.
PAŞA Kapital fiziki və hüquqi şəxslərə broker, investisiya bankçılığı, marja ticarəti və maliyyə məsləhətləri xidmətləri göstərir.
Səyahət və otelçilik sektorunda aparıcı mütəxəssislər
2003-cü ildən başlayaraq müştərilərinə xidmət göstərən “PAŞA Travel” Məhdud Məsuliyyətli Cəmiyyət (“PAŞA Travel”) “PAŞA Holding” MMC-nin tərkibinə daxildir.
"PAŞA Travel" Azərbaycanda Beynəlxalq Hava Nəqliyyatı Assosiasiyasının (IATA) akkreditasiyasından keçmiş və Beynəlxalq Standartlaşdırma Təşkilatının (ISO) sertifikatını almış çoxprofilli turizm təşkilatıdır. Eyni zamanda Şirkət, Beynəlxalq Konqres və Konvensiya Assosiasiyasının (ICCA) və səyahət üzrə dizaynerlər şəbəkəsinin (Traveller Made) üzvüdür.
"PAŞA Travel" geniş şəbəkəsi ilə Azərbaycana biznes və istirahət məqsədilə səyahət edənlərə misilsiz keyfiyyətdə kompleks yanaşma təklif etməklə peşəkar şirkət nüfuzunu qazanıb.
PAŞA Holding” MMC-nin törəmə şirkəti olan “Abşeron Hotel Qrup” Məhdud Məsuliyyətli Cəmiyyət hotel idarəetmə şirkətidir.
2013-cü ildə ildə şirkətin qurulması ilə Qrup, dünya səviyyəli hotel və kurort portfelini quraraq milli və regional bazarlarda lider mövqe tutmaqla, qonaqpərvərlik sənayesinin strateji oyunçusu olmağı hədəfləyir.
Bu portfel, həm Azərbaycan, həm də ölkə xaricində orta sinifdən lüks hotellərə və digər qonaqpərvərlik subyektlərinə qədər müxtəlif hotel kateqoriyalarını əhatə edir.
Qrup Azərbaycanın paytaxtında müvafiq beynəlxalq otelçilik şirkətləri tərəfindən idarə olunan Four Seasons Baku, JW Marriott Absheron Baku və The Ritz-Carlton, Baku* kimi üç lüks hotelə malikdir.
Mən Fərid Şərifov qeyd etmək istəyirəm ki, Paşa Holdinq hər zaman sağlam və savadlı gəncliyə həmçinin insanlara yüksək diqqət və dəyər verən biznes şirkətlərindən biridir.
Paşa Holdinq həmçinin öz işçisinə yüksək dəyər verir, hər zaman yüksək diqqət yetirir.
Məndə bir gənc olaraq Paşa Holdinq ailəsinə işlərində və fəaliyyətində bol bol uğurlar arzulayıram, uğurlar və nailiyyətlər hər zaman sizinlə olsun.
Hörmətlə Fərid Şərifov
Ulutv.İnfo