Ümummilli lider Heydər Əliyev siyasi məktəbinin layiqli davamçısı olan ölkə Prezidenti cənab İlham Əliyevin yorulmaz siyasi fəaliyyəti və qətiyyətli mövqeyi sayəsində Azərbaycan bütün istiqamətlərdə inkişaf edərək regionda və bölgədə böyük nüfuz sahibi olan ölkəyə çevrilmişdir. Qeyd etmək lazımdır ki, Azərbaycan bölgədə ən etbarlı siyasi, strateji tərəfdaş kimi Mərkəzi və Orta Asiya ölkələri ilə də sıx siyasi və iqtisadi əlaqələrə malikdir. Türkdilli dövlətlər arasında əməkdaşlığın inkişafı hər zaman Azərbaycanın xarici siyasətinin prioritet istiqamətlərindən birini təşkil edib. Türkdilli dövlətləri ortaq soy-kök, tarix, mədəniyyət və milli dəyərlər birləşdirir ki, bu da ökələrimizin qarşılıqlı səmərəli fəaliyyəti və əməkdaşlığı üçün baza rolunu oynayır.
2023-cü ilin 22 avqust tarixində Özbəkistan Respublikasının Prezidenti Şavkat Mirziyoyev Azərbaycana rəsmi səfəri və səfər çərçivəsində Azərbaycan- Özbəkistan arasında strateji tərəfdaşlığın dərinləşdirilməsi və hərtərəfli əməkdaşlığın genişləndirilməsi haqqında Bəyannamənin imzalanması Azərbaycan- Özbəkistan arasında yeni bir mərhələnin başlanğıcına təkan vermiş oldu ki, bu da ölkəmizin beynəlxalq münasibətlər sistemində artan rolu və nüfuzundan xəbər verir. Eyni zamanda, Özbəkistanda keçirilən prezident seçkilərindən sonra Prezident Şavkat Mirziyoyevin ilk dövlət səfərini Azərbaycana etməsi ölkəmizə verilən yüksək dəyərin göstəricisi oldu.
Özbəkistanla Azərbaycan arasındakı bu gün özünün yüksək inkişaf səviyyəsinə ucalmış dostluq əlaqələri xüsusilə Ulu Öndərimizin sovet Azərbaycanına rəhbərlik etdiyi illərdə inkişaf etdirilib. Ümummilli lideri Heydər Əliyevin İki qardaş ölkə arasında əlaqələrin genişlənməsində əvəzsiz xidmətlərini qədirbilən özbək xalqı heç zaman unutmur.
Bu baxımdan böyük qürur hissi ilə qeyd etmək lazımdır ki, Azərbaycan Respublikasının Prezidenti İlham Əliyev və Özbəkistan Respublikasının Prezidenti Şavkat Mirziyoyev tərəfindən Azərbaycanla Özbəkistan arasında münasibətləri uğurla inkişaf etdirilməsi, Özbəkistanla ən yüksək səviyyədə diplomatik əlaqələrin qurulması bölgədə türk birliyinin inkişafına böyük töhfələr verir.Dost və qardaş Özbəkistan xalqı hər zaman oldugu kimi, 44 günlük Vətən müharibəsində də Azərbaycan xalqının ədalətli mövqeyini dəstəkləyərək,xalqımızın haqlı mövqeyini müdafiə etdilər.Özbəkistan dövləti ölkəmizin ərazi bütövlüyü ilə bağlı birmənalı mövqeyini dəfələrlə beynəlxalq təşkilatlarda, ikitərəfli və çoxtərəfli görüşlərdə dövlətimizin mövqeyini qətiyyətlə ifadə edib.
44 günlük Vətən müharibəsi nəticəsində qazanılan böyük Zəfər ölkəmizə olan müsbət maraqları artırmaqla yanaşı, regionda yeni reallıqlar, yeni münasibətlər üçün münbit şərait yaratdı. Hazırda postmüharibə dövrünü yaşayan Azərbaycan işğaldan azad edilmiş ərazilərdə geniş tikinti-quruculuq işləri aparır.
Dostluq və qardaşlıq əlaqələrini inkişaf edirən Özbəkistan dövlətinində Qarabağdakı quruculuq işlərində öz payı var. Özbəkistan Respublikasının Prezidenti Şavkat Mirziyoyevin şəxsi təşəbbüsü ilə işğaldan tam azad olunmuş Füzulidə orta əsrlər özbək riyziyyatçısı, astronomu, böyük alimi, hökmdarı Mirzə Uluq¬bə¬yin adını daşıyır məktəb inşa olunub. Qarabağda quruculuq işlərinə Özbəkistanın qardaşlıq hədiyyəsi olan bu məktəb həm də iki xalq arasında dostluğun¬ və qar¬daş-lığın daha bir mərkəzi olacaq. İki dost ölkənin liderlərinin və birinci xanımlarının Füzuliyə, Şuşaya səfərləri,30 illik həsrətdən sonra doğma yurd yerlərinə qayıdan füzulililərlə görüş, Füzulinin baş planı ilə tanışlıq, Heydər Əliyev Fondu tərəfindən bərpa edilən Saatlı, Yuxarı Gövhər ağa məscidlərini ziyarət, Bülbülün ev-muzeyinə, Mehmandarovların malikanə kompleksinə baxış qardaş ölkələr arasında münasibətlərin yüksək səviyyəsindən xəbər verir. İki türk dövlətlərinin Azərbaycanın tanınmış şəxsiyyətləri Natəvan, Bülbül və Üzeyir bəy Hacıbəylinin işğal dövründə Şuşada ermənilər tərəfindən gülləbaran edilmiş heykəllərini ziyarət etməsi dünyaya daha bir mesaj oldu. Mədəniyyətimizin paytaxtı Şuşada, Cıdır düzündə gəzinti qonaqlarda daha xoş təəssüratlar yaratdı.
Ölkələrimiz arasında həmrəyliyin, dostluğun, qardaşlığın növbəti addımı kimi qiymətləndirilən bu səfər iki qardaş dövlətin beynəlxalq münasibətlər sistemində həmrəylik nümayiş etdirməsinə, türk dünyasının güclənməsinə layiqli töhfələr verəcək.

YAP Quba rayon təşkilatının sədri