Daxili Qoşunların şəhid hərbi qulluqçusu Elçin Nadirovun xatirəsi anılıb - FOTOLAR
Ölkəmizin ərazi bütövlüyü uğrunda mərdliklə döyüşərək şəhid olmuş Daxili İşlər Nazirliyinin Daxili Qoşunlarının hərbi qulluqçusu Elçin Nadirovun anım
tədbiri keçirilib.
E.Nadirovun təhsil aldığı Şəki şəhər fizika-riyaziyyat və humanitar təmayüllü liseydə keçirilən tədbirdə rayon polis şöbəsinin əməkdaşları, Daxili Qoşunların hərbi qulluqçuları, şəhidin ailə üzvləri, döyüş yoldaşları və ictimaiyyət nümayəndələri iştirak ediblər. Əvvəlcə təhsil ocağının girişində quraşdırılan şəhidin xatirə lövhəsinin açılışı olub. Daha sonra çıxış edənlər Elçin Nadirovun 44 günlük Vətən müharibəsində keçdiyi şərəfli döyüş yolundan, vətənpərvərliyindən, qəhrəmanlıqlarından danışıblar. Ardınca isə məktəblilərin ifasında ədəbi-bədii kompozisiya təqdim olunub.
Qeyd edək ki, Vətən müharibəsi başlayan ilk gündən döyüşlərə qatılan Elçin Nadirov Füzuli rayonunun azadlığı uğrunda gedən gərgin döyüşlərdə qəhrəmancasına şəhid olub. Azərbaycan Respublikası Prezidentinin sərəncamları ilə Nadirov Elçin Nadir oğlu “Vətən uğrunda” və “Füzulinin azad olunmasına görə” medalları ilə təltif edilib.
Əlaqə whatsapp:+994 70 402 02 85
BakuNews.az
