Avstraliyalı turist hava limanı işçilərinin rəqs edərkən videosunu çəkib və TikTok-da paylaşıb.

bakunews.az daily Mail-ə istinadən bildirir ki, video şəbəkədə qızğın müzakirələrə səbəb olub.

Belə ki, həmin şəxs iki əməkdaşının hava limanının qarşısında necə telefonun kamerasını işə saldığını və hərəkətlərini videoya çəkərək musiqi sədaları altında hərəkət etməyə başladığını görüb. Daha sonra onlara daha üç nəfər qoşulub - hamısı birlikdə rəqs etməyə davam ediblər. Nəşrin başlığında turist rişxəndlə deyib ki, işçilər iş yerində əylənərkən, ölkə üzrə hava limanları böyük kadr çatışmazlığı elan edib. Həmçinin o, uçuşdan sonra təyyarəni təmizləyən işçilərin videoya düşdüyünü görüb.

İnternetdə yayılan video internetdə müxtəlif reaksiyalara səbəb olub. Belə ki, bəzi istifadəçilər hava limanı işçilərini öz vəzifələrinə səhlənkarlıqda ittiham edib, bəziləri isə bir az istirahətin heç kimə zərər verməyəcəyini yazıb. "Hmm, Z nəsli. İndi aydın oldu ki, ölkəmizdə niyə heç nə çatışmır", "TikTok təkbaşına iş etikasını məhv etdi", "Biz hamımız TikTok-u sevirik, amma iş yerində video çəkmirik...", - bəzi şərhçilər qəzəbləniblər. "Uçuş gecikmələri belə şirin rəqslərə görədirsə, mən heç qəzəblənmirəm", "Şad olaq ki, onlar işlərini bəyənirlər və əylənməyi bilirlər!", - digər istifadəçilər yazıblar.\\milli.az\

bakunews.az