Pakistan hökuməti ölkədə yüzlərlə insanın ölümünə səbəb olan musson yağışları ilə əlaqədar fövqəladə vəziyyət elan edib.
bakunews.az bu barədə CNN-ə istinadən xəbər verir.
Pakistan mətbuatının məlumatına görə, iyulun 14-də başlayan güclü yağışlar nəticəsində daşqın qurbanlarının sayı 937 nəfərə çatıb.
Onlardan 343-ü uşaq, 198-i qadın olub.
Bu ölkənin hakimiyyət orqanlarının məlumatına görə, leysan yağışlar və genişmiqyaslı daşqınlar 33 milyon insanın həyatını alt-üst edib və bir çox insanı didərgin salıb.
Bu yağışlar nəticəsində 495000 evə ziyan dəyib, 130 körpü dağılıb. Daşqın 3000 km avtomobil yoluna da ziyan vurub.
Qeyd edilir ki, Pakistanda daşqınların itki və zərərləri artdıqca Dünya Bankı 350 milyon dollar, Ümumdünya Ərzaq Proqramı 110 milyon dollar, Asiya İnkişaf Bankı 20 milyon dollar, Böyük Britaniya isə 40 milyon dollar yardım göndərəcək.\\qaynarinfo\
bakunews.az