İlin sonuna qədər Ukrayna rus işğalçılarını 23 fevral mövqelərinə geri ata bilər. Ancaq bunun üçün Qərbin kifayət qədər miqdarda silah tədarükü lazımdır.

bakunews.az qaynarinfo-ya istinadən xəbər verir ki, bu barədə ABŞ-ın Avropadakı qüvvələrinin keçmiş komandanı Ben Hoces DW-yə müsahibəsində bildirib.

"Ukraynalılar inanılmaz dərəcədə dözümlü, bacarıqlı, yenilikçidirlər, lakin onlara daha uzaq mənzilli və daha dəqiq artilleriya lazımdır.

Daha da uzağa atəş açan və rus artilleriyasını, logistikasını məhv etməyə və rus aerodromlarına zərbə vurmağa davam edə bilən artilleriya və raketlər lazımdır. Lazım olan məhz budur.

Bunların bəzilərini təmin etmişik, lakin bu, həlledici təsir üçün kifayət deyil. Ona görə də cəbhə xətti təxminən bir aya yaxındır ki, dəyişməyib”, - Hoces bildirib.

Onun fikrincə, ruslar kulminasiya nöqtəsinə gəliblər, onların edə biləcəkləri daha heç nə yoxdur, amma ukraynalılara qalib gəlmək bacarığı lazımdır.

"Ruslar artıq hücumun kulminasiya nöqtəsinə çatıblar və artıq irəliləyə bilmirlər. Üstəlik, onlar öz arxa cəbhələrini belə qoruya bilmirlər.

Müharibənin müddəti bizim söz verdiyimiz hər şeyi edib-etməməyimizdən, bütün silahları çatdırmağımızdan asılı olacaq.

Hesab edirəm ki, bu ilin sonuna qədər biz onları 23 fevral xəttinə geri ata bilərik”, - amerikalı general bildirib.



bakunews.az