Rusiya Federasiyasının Ukraynaya qarşı başlatdığı müharibənin səbəbi 2004 və 2014-cü illərdəki Maydanlar deyil, Rusiyanın Ukraynanı siyasi cəhətdən udmaq və işğal etmək cəhdləri olub. Ukraynalılar buna fəal şəkildə qarşı çıxdılar və o zamankı hakimiyyətin xüsusi vəhşiliyi ilə üzləşdilər.
bakunews.az unian-a istinadla xəbər verir ki, bunu hərbi ekspert Oleq Jdanov deyib.
"Rusiya Federasiyası bu müharibənin əsas tətikçisi, təşkilatçısı və benefissiarıdır” deyən Jdanov, bugünkü müharibənin Ukraynanın ilk növbədə Rusiyadan azad olması uğrunda gedən döyüş olduğunu bildirib.
O xatırladıb ki, o vaxtkı prezident Yanukoviçin Aİ ilə Assosiasiya sazişini imzalamaqdan imtina etməsi 2014-cü ildə xalqın etirazına səbəb olub.
"Biz Avropaya inteqrasiya istəyirdik. Ukraynanın Rusiya tərəfindən həzm edilməsini istəmirdik. Hər şey belə başladı. Sonra, dekabrın 1-də Yanukoviç güc tətbiq etmək əmrini verdi. Bununla da qarşıdurma başladı", - Jdanov izah edib.
Qeyd edək ki, daha əvvəl Prezident Aparatı Rusiya ilə danışıqları "ölüm hökmü” adlandırmışdı.
Bu günə olan məlumata görə, Ukraynada Ukrayna Silahlı Qüvvələrinin uğurlu fəaliyyəti nəticəsində 46500-ə yaxın rus işğalçısı öldürülüb. Bu barədə Ukrayna Silahlı Qüvvələrinin Baş Qərargahı məlumat yayıb. Ötən gün ərzində daha 250 işğalçı məhv edilib.\\qaynarinfo\
bakunews.az