İranın nüvə proqramı ilə bağlı müzakirə edilən beynəlxalq müqavilə ilə bağlı açıqlama verən İsrail Baş naziri Yair Lapid öz təhlükəsizliklərini qorumaq üçün hərəkətə keçməyə hazır olduqlarını bildirib.

bakunews.az kaim.az-a istinadən xəbər verir ki, İsrail ordusu və Xarici Kəşfiyyat Xidmətinə (MOSSAD) hər cür ssenariyə hazır olmaq təlimatı verildiyini deyən Lapid ABŞ və dünyanın İsrailin təhlükəsizliyini qorumaq üçün hərəkətə keçməyə hazır olduğunu bilməli olduğunu söyləyib.

Nazir İranın nüvə proqramı ilə bağlı 2015-ci ildə imzalanmış müqaviləni də təsdiq etmədiklərini və bugünkü anlaşmanın daha böyük təhlükə olduğunu vurğulayıb.

“Amerikalılara dedik ki, Prezident Baydenin istədiyi bu deyil. Bu, Baydenin Qüdsə səfəri zamanı verdiyi vəd, imzaladığı bəyanata uyğun gəlmir”, – Lapid deyib.

Lapid İranın ballistik raket proqramı və Yaxın Şərqdəki terror fəaliyyətlərinə diqqət yetirərək, daha uzunmüddətli, daha sərt nəzarət mexanizmləri tələb etdiklərini bildirib.

bakunews.az