Estoniyanın https://kuuuurija.postimees.ee xəbər saytında “Estoniya-Azərbaycan parlamentlərarası dostluq qrupu: Xocalıda kütləvi qətlin səbəbkarları ədalət qarşısında cavab verməlidirlər” sərlövhəli məqalə yayımlanıb.
Katrin Lustun qələmə aldığı məqalədə Estoniya parlamentinin (Riigikogu) Xocalı soyqırımının 31-ci ildönümü ilə bağlı xüsusi bəyanatla çıxış etdiyinə diqqət cəlb olunub. Bəyanatda parlamentarilərin Azərbaycan xalqına başsağlığı verdikləri, Xocalı qətliamını pislədikləri, bu kütləvi qətlin səbəbkarlarının ədalət qarşısında cavab verməsini tələb etdikləri bir daha nəzərə çatdırılb.
Qeyd edək ki, məqalənin yayımlanması “Aydan” Estoniya-Mədəniyyət Mərkəzinin sədri Niyazi Hacıyevin təşəbbüsü ilə baş tutub.
Maraqlı cəhətlərdən biri də odur ki, bəyanatı imzalayanlardan biri Raivo Tamm Estoniya-Azərbaycan parlamentlərarası dostluq qrupunun üzvü olmaqla yanaşı, Estoniya-Ermənistan parlamentlərarası dostluq qrupunun rəhbəridir.
Məqaləni aşağıdakı linkdən oxumaq mümkündür:
https://kuuuurija.postimees.ee/7720538/eesti-aserbaidzaani-parlamendiruhm-hodzalo-massimorva-toimepanijad-tuleb-votta-vastutusele