Finlandiya Rusiyanın nüvə yanacağı üçün tranzit ölkə olmağa davam edir
Finlandiya Rusiya nüvə yanacağı üçün tranzit ölkə olaraq qalır.
Bu barədə TASS-a Finlandiyanın Radiasiya və Nüvə Təhlükəsizliyi Təşkilatının mətbuat xidmətinin nümayəndəsi Risto İsakson məlumat verib.
“Nüvə yanacağının özü sanksiyalara məruz qalmır və nüvə yanacağına qarşı sanksiyalar tətbiq olunana qədər tranzitin davam edəcəyini gözləmək olar”, - deyə İsakson bildirib.
O əlavə edib ki, Rusiya nüvə yanacağının sonuncu göndərilməsi 2023-cü ilin dekabrında baş tutub. 2022-ci ilin noyabrında yanacaq Lappeenrata hava limanından göndərilib. Sonrakı çatdırılmalar Helsinki hava limanı vasitəsilə həyata keçirilib.
Qeyd olunub ki, Rusiya ilə Avropa arasında hava nəqliyyatının olmaması səbəbindən Finlandiya vasitəsilə tranzit daşıma 2022-ci ilin payızında başlayıb.
Şikayət və təkliflər üçün qaynar xətt:
Əlaqə whatsapp:+994 70 402 02 85
BakuNews.az
Əlaqə whatsapp:+994 70 402 02 85
BakuNews.az
