Tbilisi prospektində taksi duracaqları yaradılır
Taksi duracaqlarının təşkil edilməsi ilə bağlı layihə hazırlanıb.
Bu barədə Azərbaycan Yerüstü Nəqliyyat Agentliyindən məlumat yayıb.
Bildirilib ki, Bakının bir sıra küçə və prospektlərində 130-dan artıq taksi duracağı mövcud olsa da, onların əksəriyyəti cəlbetmə məntəqələrində təşkil edilmədiyindən bəzən nəqliyyatın hərəkətinə maneə yaradır.
Sakinlərin də müraciətləri nəzərə alınaraq artıq paytaxtın Tbilisi prospektində taksi minik avtomobilləri üçün duracaq, həmçinin minib-düşmə yerlərinin (drop off) təşkil edilməsi ilə bağlı təhlillər aparılıb və layihə hazırlanıb. Layihəyə əsasən, Tbilisi prospektində taksilərin dayana biləcəyi 6 məntəqə müəyyən edilib. Tezliklə işlərin icrasına başlanılacaq.
Şikayət və təkliflər üçün qaynar xətt:
Əlaqə whatsapp:+994 70 402 02 85
BakuNews.az
Əlaqə whatsapp:+994 70 402 02 85
BakuNews.az
