İmişli rayonunda 9 may tədbirləri zamanı SSRİ bayrağı qaldıran və “Georgi lenti“ taxan rayon Ağsaqqallar Şurasının sədri Saleh Səmədovla dünən vəzifəsindəna azad olunsada, onun haqqında yeni ilginc iddialar ortaya çıxmaqdadır.

Xalq-ın əldə etdiyi məlumata görə Saleh Səmədov İmişli Ağsaqqallar Şurasının sədri vəzifəsi ilə bərabər həmdə “Azərişıq” ASC-nin vəzifəli işçisi olub. Belə onun hazırdada “Azərişıq” ASC “Aran” RETSİ-nin Təmir-tikinti işləri üzrə rəis müavini vəzifəsini daşıdığı iddia edilir. Bəzi media qurumlarında Saleh Səmədovun haqqında yayımlanan materiallarda nədənsə onun “Azərişıq” ASC-nin “Aran” RETSİ-də vəzifəli məmur olduğunu görməməzlikdən gəlirlər.
Saleh Səmədovun “Azərişıq” ASC “Aran” RETSİ-nin təmir-tikinti işləri üzrə rəis müavini vəzifəsində işləməsi ilə bağlı apardığımız kiçik bir araşdırmada fakt öz təsdiqini tapdı.

Belə ki, İmişli rayon Ağsaqqallar Şurasının rəsmi saytında 12.11.2024-cü il tarixində “Azərişıq” ASC sədrinin baş müşaviri və İmişli rayon Ağsaqqallar Şurasının İdarə Heyətinin üzvü Kamil Hüseynovu Saleh Səmədov doğum günü münasibətilə təbrik edib.

Həmin təbrikin sonunda Saleh Səmədovun vəzifəsi İmişli rayon Ağsaqqallar Şurasının sədri və “Azərişıq” ASC “Aran” RETSİ-nin Təmir-tikinti işləri üzrə rəis müavini kimi göstərilib.

Bildirək ki, Saleh Səmədov ciddi imkanlara sahib məmurlardan biridir. Belə ki, onun İmişli rayonunda dəbdəbəli “Kral Saray” adlı şadlıq sarayı, “Kral” çay evləri şəbəkəsi, ” Kral hamam”, uşaq baxçası, çörək sexi, spirt-şirə zavodu, hipermarketi, kolbasa sexi, mal-qara və donuz ferması, eləcə də 20 hektar ərazini əhatə edən istilikxanası var. Məmur-iş adamının paytaxtda da villa, market, restoranı olduğu bildirilir.

Xalq.az-a verilən məlumata görə görə Saleh Səmədovu “Aran” RETSİ-nin təmir-tikinti işləri üzrə rəis müavini vəzifəsinə “Azərişıq” ASC sədrinin baş müşaviri Kamil Hüseynovun köməkliyi ilə təyin edilib. Saleh Səmədovla Kamil Hüseynovun yaxın münasibətlərinin olduğu iddia edilir.
Qeyd edək ki, İmişli rayonunda Saleh Səmədova məxsus “Kral hamam”ın hovuz inşa işlərini görən “Atlas Poll” şirkətinin işçilərinin pulunun yarsını verməkdən imtina edib. Pullarını tələb işçilər dəfələrlə Saleh Səmədova və aidiyyatı qurumlara müraciətlər etsələrdə, sonda onlara ödəniləsi vəsait verilməyib bu məsələ barədə daha ətraflı digər xəbərimizdə dərc olunacaq.


Qeyd edək ki,Saleh Səmədov İmişli Rayon Ağsaqqallar Şurasının sədri vəzifəsindən azad edilib
Məlumatda bildirilir ki, Azərbaycan Ağsaqqallar Şurasının İdarə Heyətinin növbədənkənar iclası keçirilib.
İdarə Heyəti Şuranın adına ləkə gətirən hərəkətlərə yol verdiyinə, Azərbaycan Ağsaqqallar Şurasının Nizamnamə tələblərini kobud şəkildə pozduğuna görə Saleh Səmədovun İmişli Rayon Ağsaqqallar Şurasının sədri vəzifəsindən azad edilməsi, o cümlədən Azərbaycan Ağsaqqallar Şurasının üzvlüyündən çıxarılması barədə qərar qəbul edib.(Xalq.az)
Yazıda adları keçən şəxlərin və qurumların mövqeyini dərc etməyə hazırıq.