Yeni Yasamalda yol çökməsi qeydə alınıb.

32gun.az xəbər verir ki, hadisə ilə bağlı görüntülər sosial şəbəkələrdə yayımlanıb.

Kiçik həcmli çökmə nəticəsində kanalizasiya boruları açıq görünür.

Sakinlər yaranan vəziyyətdən narahatdır.

Xatırladaq ki, bir neçə gün əvvəl “Baksol” adlanan ərazidə yolun çökməsi nəticəsində Bakı sakini, 27 yaşlı Cümşüd Cümşüdlü kanalizasiyaya düşərək faciəli şəkildə həlak olub. Onun meyiti hadisədən yalnız 3 gün sonra Hövsanda tapılıb.

Həmçinin, Azərbaycan Avtomobil Yolları Dövlət Agentliyinin (AAYDA) açıqlamasında bildirildiyi kimi, kanalizasiya xətlərinə nəzarət edən aidiyyəti qurum Azərbaycan Dövlət Su Ehtiyatları Agentliyidir. Hələlik həmin qurum məsələ ilə bağlı açıqlama verməyib, araşdırmanın davam etdiyini bildirir.(32gun.az )