03.02.2023 YAP Asxanakəran kənd Ərazi Partiya Təşkilatı və Asxanakəran kənd tam orta məktəbin birgə təşkilatçılığı ilə 2023-cü il 03 fevral tarixində Asxanakəran kənd tam orta məktəbində, Vətən torpaqlarımızın azadlığı uğrunda igidlik göstərərək şəhid olmuş Rüstəmov Bəxtiyar Osmanağa oğlunun Anım günü tədbiri keçirildi. Tədbirdə YAP Asxanakəran kənd ərazi partiya təşkilatının sədri İbrahim Həsənzadə, məktəbin direktoru Əlican Hacıyev, məktəbin müəllimləri Bəkir Həzrətov, Azər Fərəcov, Həsrət Fərhadov və Əziz şəhidimizin ailə üzvləri atası Osmanağa ata və qardaşı Nahid Rüstəmov, yaxınları və məktəbililər iştirak edirdilər. Əvvəlcə torpaqlarımızın bütövlüyü uğrunda canından keçmiş vətən oğullarının xatirəsi bir dəqiqəlik sükutla yad edildi. Məktəblilərinin ifasında vətənpərvərlik mövzusunda və şəhidlərimizin ruhuna həsr olunmuş şeirlər səsləndirildi.

Tədbirdə qeyd olundu ki, Sentyabrın 27-dən başlayan, 44 gün davam edən işğal altındakı torpaqlarımızın azad olunması ilə nəticələnən Vətən Müharibəsi tariximizin ən parlaq səhifəsinə, Azərbaycan xalqının iftixar və qürur mənbəyinə çevrildi. Azərbaycan Silahlı Qüvvələri 44 günlük müharibə zamanı əsl vətənpərvərlik və qəhrəmanlıq göstərmiş, düşmənin canlı qüvvəsini, texnikasını məhv edərək Qələbə qazandı və tarixi ədaləti bərpa olundu. Azərbaycan xalqı öz Liderinin - Müzəffər Ali Baş Komandan İlham Əliyevin ətrafında sıx birləşərək bütün dünyaya öz gücünü, mətinliyini, mübarizliyini nümayiş etdirdi.

Ali Baş Komandan, cənab Prezident İlham Əliyevin rəhbərliyi altında Müzəffər Ordumuzun igidliyi, qəhrəmanlığı sayəsində torpaqlarımız, həmçinin 30 ilə yaxın həsrətində olduğumuz torpaqlar işğaldan azad olundu. 27.09.2020-ci il tarixdən başlayan İkinci Qarabağ müharibəsində kəndimizin sakinlərindən 30 nəfərə yaxını könüllü olaraq iştirak etmişdir. Kəndimiz I Qarabağ döyüşü 44 günlük Vətən müharibəsində qəhrəmanlar içərisində canından və qanından keçən 5 şəhid və 10-dan çox qazimiz öz adlarını tarixə yazdılar. Şəhidlərimizin qisası alındı, qanı yerdə qalmadı.

Şəhidimizin atası Osmanağa Rüstəmov göstərdikləri diqqət və qayğıya görə Ali Baş Komandan Prezident İlham Əliyevə, Birinci vitse-prezident Mehriban xanım Əliyevaya minnətdarlığını bildirdi.

Şəhid Rüstəmov Bəxtiyar Osmanağa oğlu 1974-ci il may ayının 16-da Astara rayonu Asxanəkəran kəndində anadan olmuşdur. 1992-ci il iyulun 28-də Astara rayonu Hərbi Komissarlığı tərəfindən həqiqi hərbi xidmətə çağırılıb.

5 fevral 1993-cü ildə Rüstəmov Bəxtiyar Osmanağa oğlu Ağdərə uğrunda gedən döyüşlərdə qəhrəmanlıq göstərərək şəhidlik zirvəsinə ucalmışdır.
Tədbirdə çıxış edənlər Bəxtiyarın həyat yolundan danışıblar, onun döyüş yolunu bütün gənclərə nümunə göstəriblər.

Hal-hazırda Asxanakəran kənd tam orta məktəbi Şəhid Bəxtiyar Rüstəmovun adını daşıyır.

ALLAH BÜTÜN ŞƏHİDLƏRİMİZƏ RƏHMƏT ELƏSİN !