Qazi Faiq Babayev: “Binəqədi rayonunda icra nümayəndəsi məndən 10 min manat tələb etdi, ödəmədim, obyektimi dağıtdılar” VİDEOFAKT
Bakunews.az-a müraciət edən Qarabağ qazisi Faiq Babayev şikayət edir ki, Binəqədi rayon icra hakimiyyətinə tabe olan 28 May qəsəbəsində yerləşən şəxsi obyektinə qapı-pəncərə qoyduqdan sonra icra nümayəndələri tərəfindən təzyiqlərə məruz qalıb.
Qazinin sözlərinə görə, icra nümayəndəsi Samir adlı şəxs onunla görüş zamanı əllə 10 min manat məbləğini göstərərək bu pulu verməsə, obyektin uçurulacağını bildirib. Faiq Babayev bu tələbi rədd etdikdən sonra isə obyektinin söküldüyünü qeyd edir.
Hazırda ərazidən əldə olunan video görüntülərdə obyektin dağıdılmış vəziyyətdə olduğu açıq şəkildə görünür. Obyektdə heç bir genişmiqyaslı tikinti aparılmadığı, sadəcə qapı və pəncərələrin dəyişdirildiyi müşahidə olunur.
Faiq Babayev bildirir ki:
“Bu əmlak mənim şəxsi mülkümdür. Sadəcə olaraq yenidən bərpa etdim. Əgər sənədlə bağlı problem olsaydı, bildiriş göndərilərdi. Amma məndən rüşvət tələb etdilər. Qazi olduğumu bildirsəm də, buna məhəl qoymadılar.”
Qazi məsələ ilə bağlı aidiyyəti qurumlara rəsmi şikayət etdiyini, hüquqi müstəvidə haqqını tələb edəcəyini qeyd edir.
Bakunews.az olaraq məsələni diqqətdə saxlayırıq. Mövzu ilə bağlı Binəqədi rayon İcra Hakimiyyətindən və Samir adlı əməkdaşdan münasibət öyrənməyə çalışacağıq. Qarşı tərəfin cavab haqqı tanınır.
Şikayət və təkliflər üçün qaynar xətt:
Əlaqə whatsapp:+994 70 402 02 85
BakuNews.az
Əlaqə whatsapp:+994 70 402 02 85
BakuNews.az
