PSJ "Mançester Siti"yə futbolçusu Neymarı almağı təklif edib.

Bu barədə "Le Parisien" məlumat yayıb. İngiltərə klubu PSJ və Neymarın nümayəndələri ilə potensial transferlə bağlı danışıqlara başlamaqdan imtina edib. "Mançester Siti" hücum xəttindən razı qaldığı üçün braziliyalını almaq istəmir. Xəbərdə o da bildirilir ki, "şəhərlilər"ın baş məşqçisi Xosep Qvardiola Neymar kimi ulduzun gəlişi ilə komandada tarazlığı pozmaq niyyətində deyil.

Daha əvvəl məlum olmuşdu ki, Neymar PSJ-nin yeni baş məşqçisi Kristof Qaltyenin planlarına daxil deyil.

Qeyd edək ki, Neymar 2017-ci ildə "Barselona"dan 222 milyon avroya PSJ-yə keçib. Bu, futbol tarixinin ən bahalı transferi olaraq qalır. Paris komandasının heyətində 144 matçda 100 qol vuran hücumçu 60 qol ötürməsi də verib.

bakunews.az