"Biz heç kimdən qorxmuruq. Yaxşı futbol göstərmək istəyirik və özümüzə inanırıq. Hələlik İsveçrə "Sürix"i ilə görüşməmişik. Amma aydındır ki, kim düşsə, onu da məğlub etməliyik".

bakunews.az-nun report-a istinadən məlumatına görə, bunu "Qarabağ"ın futbolçusu Filip Ozobiç Xorvatiya mətbuatına müsahibəsində deyib.

31 yaşlı yarımmüdafiəçi Azərbaycan millisinin hücumçusu Mahir Emrelinin də çıxış etdiyi Xorvatiyanın "Dinamo" (Zaqreb) komandası ilə qarşılaşmaq ehtimalından danışıb: "Onlara qarşı oynamaqdan məmnun olardım. Amma bu, Çempionlar Liqasının qrup mərhələsində olsaydı, daha yaxşı olardı. Onlara qarşı oynamaq maraqlıdır. "Dinamo" hər il yaxşı nəticələr əldə edir. Onlar bizimlə üz-üzə gəlsələr, şübhəsiz ki, favorit olacaqlar".

Qeyd edək ki, "Qarabağ" "Sürix"lə ilk matçını iyulun 19-da evdə, cavab görüşünü isə iyulun 27-də səfərdə keçirəcək.

bakunews.az