“Azərxalça”nın işçilərinin sayı 11 % azalıb
2021-ci il yanvarın 1-nə “Azərxalça” ASC-nin 1 606 nəfər işçisi olub.
bakunews.az bu barədə səhmdar cəmiyyətinin illik hesabatına istinadən xəbər verir.
Sənədə əsasən, bu, 2020-ci il yanvarın 1-i ilə müqayisədə 189 nəfər və yaxud 10,5% azdır.
Xatırladaq ki, “Azərxalça” ölkə prezidentinin sərəncamı ilə 5 may 2016-cı ildə yaradılıb. Onun nizamnamə kapitalı 15 milyon manatdır. 100% dövlətə məxsus olan səhmdar cəmiyyəti ölkədə xalça və xalça məmulatlarının istehsalını, ixracını, onların ölkə daxilində və xaricdə satışının təşkilini, xalça və xalça məmulatlarının istehsalında yeni texnologiyaların tətbiqini, maddi-texniki bazanın müasirləşdirilməsini və ondan səmərəli istifadəni, habelə bu sahənin inkişafı ilə bağlı digər işləri yerinə yetirir.
bakunews.az
Əlaqə whatsapp:+994 70 402 02 85
BakuNews.az
