Xəzər Rayon Polis İdarəsinin əməkdaşları tərəfindən həyata keçirilən əməliyyat-axtarış tədbirləri nəticəsində paytaxtın Xəzər rayonunda bir sıra evlərdən oğurluq edən şəxslər saxlanılıb.

DİN-nin mətbuat xidmətindən Bakunews.az-ın əldə etdiyi məlumata görə, əvvəllər məhkum olunmuş 29 yaşlı R.Mirzəcanov və onun həmyaşıdı B.Cahangirov müxtəlif ünvanlardan təmir-tikinti alətləri oğurlamaqda şübhəli bilinirlər. Araşdırmalar zamanı R.Mirzəcanovun təkcə son dövrlərdə deyil, bundan əvvəl də ümumilikdə 4840 manat dəyərində monitor, maqnitofon, səsgücləndirici və digər əşyaları oğurladığı müəyyən olunub.

Hazırda faktlarla bağlı araşdırmalar davam etdirilir, digər mümkün zərərçəkənlərin müəyyən olunması və oğurluq əşyaların tam siyahısının dəqiqləşdirilməsi istiqamətində hüquq-mühafizə orqanları fəaliyyətini davam etdirir.

Xatırladaq ki, bu kimi əməllər Azərbaycan Respublikası Cinayət Məcəlləsinin müvafiq maddələri ilə ciddi məsuliyyət doğurur.