2023-cü ilin noyabr ayında keçirilən 14-cü Bakı Beynəlxalq Qısa Film Festivalında ən yaxşı rejissor nominasiyası üzrə qalib olan " Nəfəs " adlı film 26.02.2025 tarixində Xocalı faciəsinin 33-cü il dönümü münasibətilə ilk dəfə olaraq Azerbaycan Dövlət Televiziyasının Mədəniyyət kanalında yayımlandı. Rejissoru Elmar Bayramovun olduğu ekran əsərinin ssenari müəllifliyini Ulviyyə Heydərova, layihənin pradüserliyini Elçin Ağazadə edib. Bu filim Azərbaycanın, Qarabağ müharibəsi dövründə xalqımıza qarşi törədilən qətliamın, başsız qalan ailələrin, yetim qalan körpələrin göz yaşlarının haqq səsidir ! Mən bu filmi 30 dəqiqəyə sığan 33 il deyə adlandırıram.

Bəli düz duydunuz 30 dəqiqəyə sığan 33 il. Filmi izləməmişdən əvvəl 33 ilin 30 dəqiqəyə necə sığdığına dair beynimdə suallar vardı. Təəccüblüdür, axı insanların ağrılarını-acılarını, erməni faşistlərinin törətdiyi vəhşiliyi 30 dəqiqədə necə göstərə bilərlər deyə düşünürdüm. Filmin başlamasıyla tərəddüd dolu suallarımın cavabını tapmağa başladım. Onu da, qeyd edim ki, 33 ili 30 deqiqəyə sığdırmaq da, asan bir iş deyil. " Nəfəs " adlı bu ekran əsərinin təməli pandemiya zamani atılmağa başlamışdı. Pandemiyanın höküm sürdüyü bir dövürdə təhlükəsizlik səbəbiylə ölkələr arasında gediş-gəlişlər dayandırılmışdı.

Bu səbəblə də, filmin rejissoru çekilişlərçün Azərbaycana gələ bilmir və bütün çəkiliş prossesini vidyo zəng vasitəsilə idarə edir. Onu da, qeyd edim ki, bu qədər dəyərli, məsuliyyətli işi tək bir insan edə bilməzdi. Bunu yalnız peşəkar komanda edə bilərdi və etdi də. Mən də, xalqımız adından, öz adımdan komandaya yaradıcılıqlarında uğurlar diləyirəm. Səsiniz daim ucalardan gəlsin.