Qənirə Ataşova yazır: “Hüquqi araşdırma zamanı susmağı yol seçmişdim. ŞƏFFAFlıq adına yazıram🇦🇿Korrupsiyaya qarşı mübarizə idarəsi plastik cərrahları araşdırarkən maraqlı və “möcüzəli” faktlar ortaya çıxarır. Eyni kodlu lisenziya ölkədə ən azı altı nəfərə verilib. Görünür, bu “sehrli nömrə” plastik cərrahiyyədə xüsusi populyarlıq qazanıb.
Araşdırmalar zamanı daha bir maraqlı məqam: kimlər dindirilməyə çağırılır. Daxil olan məlumatlar göstərir ki, “tanışlıq və maraqlar” sayəsində bəziləri məsuliyyətdən yayına bilir. Məsələn, prokurorluq orqanlarında tanışı olanlar, qohumlar və ya yaxınlar isə ümumiyyətlə toxunulmazlıq statusu qazanırlar. Uşaq həkimi olub plastik cərrahiyyə ilə məşğul olan bir nəfərin qardaşı korrupsiyaya qarşı mübarizə idarəsində işlədiyi üçün onun sənədləri ilə bağlı “problemlər” avtomatik həll edilir. Eyni zamanda, dindirilməyə cəlb edilməyən şəxslərin bir qisminin ailə üzvlərinə və ya hətta çox əziz adamına belə bu sənədlərin alındığı iddia olunur. Əgər araşdırmalar daha əhatəli aparılarsa, bu mənzərənin daha da açıq və aydın görünəcəyi qaçılmazdır.Şəffaflığın təmin edilməsi üçün plastik cərrahiyyə ilə məşğul olan hər kəsin sənədləri yoxlanılmalıdır. Səhiyyə Nazirliyi və Baş Prokurorluğun araşdırmaları nəticəsində bəzi plastik cərrahların tibb təhsil sənədlərinin və fəaliyyət icazələrinin saxtalaşdırıldığı müəyyən edilib. Bu, plastik cərrahiyyə ixtisası üzrə çalışan mütəxəssislərin sənədlərinin hüquqi əsaslarının kompleks şəkildə yoxlanılmasını zəruri edir. ”

Bu məqsədlə yaradılmış Xüsusi Təftiş Komissiyası bütün praktik tibb fəaliyyəti ilə məşğul olan plastik cərrahları sənədlərini 2025-ci il 31 yanvar tarixinədək Səhiyyə Nazirliyinə şəxsən təqdim etməyə çağırır. Qeyd edək ki, sənədləri təqdim etməyən şəxslərin şəhadətnamə və sertifikasiyaları ləğv ediləcək.

Maraqlıdır ki, bəzi plastik cərrahlar bu araşdırmalar fonunda özlərinin Instagram hesablarını dondurublar. Görünür, sosial media onların “müdafiə qalası” hesab edilir.
Mətbuatımız kimi araşdırmalarını izləyirəm və şəffaflığın təmin olunması üçün dindirilmədən kənar qalanların adlarını gələcəkdə açıqlayacağam- deyə jurnalist qeyd edib.
Hər kəs bilməlidir ki, heç bir “tanışlıq” hüquqi cavabdehlikdən azad etmir.

Qənirə Ataşovanın instagram hesabında paylaşımına burdan baxa bilərsiniz