"Ermənilərin işğaldan azad edilmiş ərazilərə inteqrasiyasının praktiki reallığı "Böyük Ermənistan" mifologiyası ilə toqquşur. Həmin ərazilərdə həqiqətən yaşayan insanlar çox güman ki, beynəlxalq ictimaiyyətin onların adından xüsusi status uğrunda mübarizə aparmayacağını və asimmetrik müharibənin səviyyəsindən asılı olmayaraq Azərbaycanın həmin ərazilərdən imtina etməyəcəyini anlayıblar".
Bunu bakunews.az-ya milli.az-a istinadən açıqlamasında amerikalı analitik İrina Tsukerman deyib.
O bildirib ki, Qarabağ ermənilərinin Azərbaycan vətəndaşlığı almaqdan başqa seçimi yoxdur:
"Azərbaycanın Qarabağ bölgəsində yaşayan ermənilər yəqin, başa düşürlər ki, İrəvanın növbəti böyük münaqişəyə başlamaq üçün nə maddi-texniki imkanları var, nə də beynəlxalq dəstəyi.
Ermənilərin Azərbaycana torpaq iddiası ilə bağlı davamlı arqumentlər irəli sürən qüvvələri üç qrupa bölmək olar:
⚫️ Dinc yanaşı yaşamağın başqa real variantının olmadığını yaxşı bilən, lakin Ermənistanda daha yaxşı iqtisadi vəziyyət üçün müxtəlif cəbhələrin əlinə oynayan, özlərinin konkret planı olmayan populistlər
⚫️ Yeni reallığı başa düşməyən, onu qəbul etmək istəməyən və "Böyük Ermənistan" üçün hökümətin onlara təkanlarının faydalı olmadığını və olmayacağını düşünən, Ermənistana yardım göndərməkdən imtina edə biləcək diaspor icmaları
⚫️ Rusiya və ya İran kimi ermənilərdən geosiyasi proseslərdə öz mənfəətləri üçün istifadə etməkdən başqa heç vecinə olmayan ölkələr
Bəs niyə bu nisbətən məhdud revanşist səslər sadəcə olaraq irəliləmək istəyən insanların əksəriyyətinə qarşı bu qədər cəlbedicidir?
Çünki uzu illərdir uydurulan bu mifologiya onlar üçün olduqca cəlbedicidir və ağrılı qərar qəbul etmə və planlaşdırma tələb etmir. Bu, demaqogiya və emosional manipulyasiyadan başqa bir şey deyil. Buna görə də bu rəvayət daha yaxşısı ilə əvəz edilməlidir.
Qarabağdakı ermənilər daha sülhsevər, inteqrasiyaya açıq olmaq üçün fəallıq göstərməlidirlər. Əgər onlar Azərbaycandan tam vətəndaşlıq almaq üçün daha aktivlik nümayiş etdirsələr, kənar şəxslər bir müddət onlara "satqın" kimi baxa bilər, lakin anlamalıdırlar ki, sonda yenə də bundan başqa praktiki seçimləri olmayacaq. Bu ermənilər işğalçılıq, ərazi iddiaları üzərində qurulan "Böyük Ermənistan" mifologiyasına son qoya biləcək yeganə insanlardır".
bakunews.az