Azərbaycan Respublikasının Prezidenti
Cənab İlham Əliyev,

Hörmətli Cənab Prezident,

Yazaraq diqqətinizə çatdırmaq istəyirəm ki, mən, Əmirov Kamil Əli oğlu, 2007-ci ildə Əsgərova Günay Cəfər qızı ilə ailə həyatı qurmuşam. Bu ailə həyatımız müddətində Allahın bizə bəxş etdiyi yeddi övladımız olmuşdur:

1. 10.05.2008-ci il tarixində Əmirova Nəzrin Kamil qızı (AA6059387)
2. 08.07.2009-ci il tarixində Əmirova Ruhi Kamil qızı (AZE №12761116)
3. 22.11.2012-ci il tarixində Əmirova Ayan Kamil qızı (AZE №12761109)
4. 05.11.2017-ci il tarixində Əmirov Əli Kamil oğlu (AA4829180)
5. 07.12.2019-cu il tarixində Əmirova Damla Kamil qızı (AA7205451)
6. 12.07.2021-ci il tarixində Əmirov Onur Kamil oğlu (AA3530844)
7. 07.04.2023-cü il tarixində Əmirov Sinan Kamil oğlu (AA5131521).

Hal-hazırda yeddi övladla birlikdə çətin bir həyat sürürəm. Qeyd etmək istərdim ki, mənim və ailəmin qarşılaşdığı sosial çətinliklər, xüsusilə övladlarımın sosial yardım almasının dəfələrlə kəsilməsi, vəziyyətimizi daha da çətinləşdirmişdir. Dövlət Sosial Yardım Fondu, rəsmi iş yeri tələb etdiyi halda, mən fəhlə olaraq çox çətinliklə çalışıram və övladlarımın ehtiyaclarını ödəyə bilirəm. Evim olmaması və kirayə ev problemi bu çətinlikləri daha da artırıb. Hal-hazırda Bakı şəhər Sabunçu rayonunda müvəqqəti kirayədə yaşayıram, lakin kirayə haqqını vaxtında ödəyə bilmədiyim üçün ev sahibim mənə evdən çıxmağımı tələb edir.

Həmçinin qeyd etmək istəyirəm ki, övladlarımın təhsil alması üçün məktəb geyim və ləvazimatlarını almaqda çətinlik çəkirəm və bu səbəbdən onların təhsilində ciddi problemlər yaranıb. Hər hansı qurumla əlaqə saxladığımda kömək edəcəklərini bildirirlər, amma müraciətlərimə aylarla cavab verilmir. İmişli rayon İcra Hakimiyyətinə müraciət edərək, mənzil təminatı ilə bağlı vəziyyətimi izah etmişəm, lakin mənə yalnız bir otaqlı mənzil təklif edilmişdir, halbuki 9 nəfərlik ailə üzvünün bu cür məkanla təmin olunması mümkün deyil.

Cənab Prezident, sizə müraciət edərək, ailəmin mövcud vəziyyətini nəzərə alaraq təxirə salınmaz tədbirlərin görülməsi üçün aidiyyatı qurumlara tapşırıqlar verməyinizi xahiş edirəm. Hazırda mənə yardım etməyən qurumlar yalnız sizdən gələn təlimatla hərəkət edirlər. Mütləq şəkildə ailəmi bu çətin vəziyyətdən çıxarmaq üçün dərhal tədbirlərin görülməsini rica edirəm.

Cənab Prezident, diqqətinizə görə əvvəlcədən təşəkkür edirəm.

Hörmətlə,
Əmirov Kamil Əli oğlu.