Azərbaycan Respublikasının Qida Təhlükəsizliyi Agentliyi (AQTA) "Tam Store" supermarketində aparılan yoxlamalarla bağlı rəsmi məlumat yayıb. Məlumata əsasən, vətəndaş S.Nağıyev Masazır kəndində yerləşən "Tam Store" supermarketindən aldığı məhsuldan zəhərlənib. Lakin vətəndaşın müalicə üçün çəkdiyi xərcləri mağaza rəhbərliyi ödəməkdən imtina edib. Bu hadisədən sonra vətəndaş aidiyyəti qurumlara müraciət edib və məsələ ilə bağlı araşdırmalara başlanılıb.

AQTA-nın Abşeron-Xızı regional bölməsi tərəfindən məsələ araşdırılaraq supermarketdə yoxlama aparılıb. Yoxlamalar zamanı mağazada istehlak müddəti keçmiş məhsulların satışının həyata keçirildiyi aşkarlanıb. Bu faktlar əsasında mağaza rəhbərliyi barədə İnzibati Xətalar Məcəlləsinə uyğun olaraq inzibati cərimə tədbirləri görülüb.

Qurum həmçinin "Qida təhlükəsizliyi haqqında" Azərbaycan Respublikası Qanununun 9.1-ci maddəsinə əsasən, müəssisə rəhbərliyinə minimum keyfiyyət və təhlükəsizlik standartlarının təmin olunması ilə bağlı göstərişlər verib. Agentlik, istehlakçıların hüquqlarını qorumaq və qida təhlükəsizliyini təmin etmək məqsədilə bu cür yoxlamaların mütəmadi aparılacağını bildirib.

Bu hadisə bir daha sübut edir ki, vətəndaşların hüquqlarının qorunması və qida təhlükəsizliyi ilə bağlı məsələlər ciddi nəzarət altında saxlanılmalıdır. İstehlakçılara tövsiyə edilir ki, aldıqları məhsulların yararlılıq müddətinə və saxlanma şəraitinə diqqət yetirsinlər və hər hansı uyğunsuzluq aşkar etdikdə aidiyyəti qurumlara məlumat versinlər.

Qeyd edtməliyik ki, bir müddət əvvəl məhs elə vətəndaşın şikayəti tərəfimizdən işıqlandırılmış hətta qartşı tərəfin məsələyə mövqeyn tələb etmişdik. Lakin qarşı tərəf vətəndaşın dəymiş zərərin yenədə ödəməkdən boyun qaçırdı. Belə ki adı çəkilən mağaza şəbəkəsinin mətbuat katibi ilə əlaqə saxladıq. Onlar bildirdilər ki, vətəndaş müalicəsi və düşdüyü durumla bağlı arayışı bizə təqdim etsin o zaman kompensasiyası ödəniləcəkdir. Lakin bu deyilənlər sözdə qaldı. Vətəndaş arayışı təqdim etsədə ona dəymiş zərər bu günə qədər Tam Stare mağaza şəbəkəsinin rəhbərliyi tərəfindən ödənilməmişdir.

Vətəndaşa müddəti ötmüş məhsulu satdığı azmış kimi üzərinə düşən öhdəlikdəndə könülü olaraq yayınan şirkət rəhbəri üçün bir daha insan dəyərinin olmaması maddi sübut olaraq göz qabağına sərildi. Odur ki, insanların sağlamlığına önəm verməyən "Tam Sore "marketlərindən mal alarkən sizi diqqətli olmağa və bacardığınız qədərsə bu mağazalardan kənar durmağa dəvət edirəm deyə vətəndaş bildirib.