Redaksiyamıza müraciət edən oxucu Zaur bəy marketlərdə satılan bəzi qida məhsulları ilə bağlı ciddi narahatlığını ifadə edib. Oxucunun sözlərinə görə, bir çox marketlərdə ərzaq məhsulları yuyucu vasitələrin iyi və dadını verir.

“Salam, marketlərdən daha qida məhsulları almaq olmur. Bütün marketlərdə qida məhsulları yuyucu toz iyi və dadı verir. Belə qida məhsullarını normal insan necə istehlak edə bilər? Və marketlər niyə heç bir tədbir görmürlər? Mən 11 il xaricdə yaşamışam, bir dəfə də belə şey görməmişəm. Buna Avropada heç kim icazə də verməz,” – deyə oxucu bildirir.

Məsələ ilə bağlı suallar yaranır:
– Məişət kimyəvi vasitələri ilə qida məhsulları niyə eyni bölmədə saxlanılır?
– Gigiyena və sanitariya qaydalarına nə dərəcədə əməl olunur?
– Aidiyyəti qurumlar marketlərdə monitorinqlər aparırmı?
– İnsan sağlamlığına təsir edə biləcək bu vəziyyət niyə nəzarətsiz qalıb?

Qeyd edək ki, qida məhsullarının xarici qoxuları çəkməsi onların keyfiyyətinə və istehlak təhlükəsizliyinə birbaşa təsir göstərə bilər.

Məsələ ilə bağlı aidiyyəti qurumların münasibətini dərc etməyə hazırıq.